Mütəxəssis: "PR sahəsi kifayət qədər inkişaf etməyib"

Bakı:

12 °C

50 %

5 m/s

Əlaqə

AZ RU EN

Ana səhifə / Xəbər lenti / Mütəxəssis: "PR sahəsi kifayət qədər inkişaf etməyib"

Mütəxəssis: "PR sahəsi kifayət qədər inkişaf etməyib"

01.05.2024 [12:59]

Son illərə nəzər salsaq görərik ki, PR iqtisadi bazarı nəinki təşkil edir, həm də formalaşdırır, inkişaf etdirir və şirkətlərin rəqabətdə qalmasına, eyni zamanda yüksək gəlirlər əldə etməsinə imkan yaradır. Müasir dövrdə məhsulların və xidmətlərin təşviqi birbaşa reklamla yox, PR vasitəsilə markanın və ya təşkilatın müsbət imicinin formalaşmasi ilə həyata keçirilir. Bu gün ölkəmizdə reklama kifayət qədər böyük sərmayə yatıran, lakin düzgün PR aparmayan şirkətlər var. Onlar sonradan dəymiş zərəri aradan qaldırmaq üçün çoxlu zaman və məsrəflər sərf edirlər.

Marketinq və PR üzrə mütəxəssis Tural Ozan "Yeni Azərbaycan" a açıqlamasında bildirir ki, həm ölkənin iqtisadi bazarında, həm də sosial ictimai mühitdə əksər hallarda PR reklam və ya bir təşəbbüs kimi başa düşülür. Onun sözlərinə görə, PR (public relations) - ictimaiyyətlə əlaqəli bir sahədir və PR-ın sosial ictimai həyatda, dövlət orqanları və strukturlarında, eyni zamanda qeyri-kommersiya təşkilatlarında böyük əhəmiyyəti var: "Bu gün ölkə bazarında nümunəvi PR strategiyalarına malik çox az sayda şirkət göstərilə bilər. Mükəmməl PR doğru reklam, dinamik inkişaf, sədaqətli müştəriyə sahib olmaq deməkdir".

Bu gün ölkəmizdə olan şirkətlər, dövlət strukturları və təşkilatlar ictimaiyyətlə əlaqələrin qurulması istiqamətində işlər aparsalar da, bu istiqamətdə problemlər qalmaqdadır. Təsadüfi deyil ki, hal-hazırda özəl sektor şirkətləri tez-tez böhran kommunikasıyasına məruz qalır və bu vəziyyətdən çıxmaqda çətinlik çəkirlər.

T. Ozan bildirir ki, böhran kommunikasiyası PR-da ən vacib mərhələlərindən biridir: "Uğurlu PR strategiyasına malik olan şirkət və ya PR mütəxəssisi ən yaxşı halda böhran kommunikasiyasına düşməməli və düşdükdən sonra bunu təmsil etdiyi təşkilatın və ya şirkətin xeyrinə çevirə bilməlidir. Dövlət qurumları və strukturlarında isə bu məsələlərə xüsusi qaydada yanaşmalı, ictimaiyyətlə əlaqələr məsələlərində ictimaiyyətin mövqeyi və iştirakı təmin edilməlidir. Çox təəssüf ki Azərbaycanda bu sahə çox inkişaf etməyib. Buna əsas səbəb universitetlərdə bu sahə üzrə spesifik ixtisaslarının olmamasıdır. Son illərdə iki universitetimizdə bu ixtisas tədris olunmağa başlayıb. Məhz buna görə ölkəmizdə PR mütəxəssisləri barmaqla sayılası qədərdir . Mümkün olan məsələləri və problemləri aradan qaldırmaq üçün PR sektorunda işlər aparılır. Bu il mənim təşəbbüsüm ilə ölkəmizdə ilk dəfə PR forumu keçirilməsi üçün müvafiq təşkilati işlər görülüb, ilkin danışıqlar aparılıb. Azərbaycanda ilk dəfə PR mütəxəssislərini bir araya toplayacaq və hər il mütəmadi olaraq keçiriləcək PR forumu layihəsini yaxın zamanda həyata keçirəcəyik. Bu istiqamətdə işlər gedir. Ümid edirik ki, ictimaiyyətlə əlaqələr sektoru Azərbaycanda daha da möhkəmlənəcək və bu sahənin inkişafı etməsi ölkəmizin ictimaiyyətlə əlaqələr sektoruna fayda verəcək".

Havar Şəfiyeva

Paylaş:

Baxılıb: 675 dəfə