Yalanları üçün “meydan axtaran” rediküllər…

Bakı:

27 °C

61 %

6 m/s

Əlaqə

AZ RU EN

Ana səhifə / Xəbər lenti / Yalanları üçün “meydan axtaran” rediküllər…

Yalanları üçün “meydan axtaran” rediküllər…

02.05.2024 [10:20]

Kərimlinin yeni “taktikası”

Dünyada demokratiya göstəricisi kimi xarakterizə olunan müxalifətçilik institutu ölkəmizdə bəzi redikül və antimilli qruplar tərəfindən yanlış təzahürünü tapmaqdadır. Bu kiçik azlıq antimilli addımları ilə xəyanətkar mövqedə olmalarını hər an ortaya qoyurlar. Dövlət mənafeyinə və milli maraqlara düşmən kəsilən, dünya erməniliyinin apardığı antimilli siyasətin Azərbaycanda təmsilçisi rolunu üstlənən redikül müxalifət ermənipərəst mərkəzlərin verdikləri ianələri əldə etmək üçün bütün yollara baş vururlar - onların verdikləri direktivləri sətirbəsətir yerinə yetirirlər.

Ən əsası isə, Azərbaycanda hər hansı bir siyasi hadisə, xüsusilə seçki məsələsi aktuallaşan zaman redikül müxalifət ənənəvi yalanlarını “işə salır” - onların arxasında gizlənməyə çalışır. Hətta həmin seçkilərə aylar qalmış olsa belə, onlar öz yalan kampaniyalarına start verir, gücsüzlüklərini pərdələmək üçün min bir oyundan çıxırlar. Təbii ki, Azərbaycanda keçirilən seçkilərin şəffaf, azad və demokratik şəraitdə keçməsi şübhə doğurmur - beynəlxalq təşkilatlar, yerli QHT-lər, hətta xarci dövlətlərin nümayəndə heyətləri belə seçkinin nəticələri ilə bağlı müsbət rəy verməklə Azərbaycandakı bu yüksəksəviyyəli seçki mühitini yüksək dəyərləndirirlər. Xalqın seçkiyə marağı böyükdür və bu maraq seçki fəallığının yüksək səviyyədə olmasını şərtləndirir. Redikül müxalifət isə özünə “əl qataraq” istər seçkidən öncə, istərsə də seçkidən sonra min bir bəhanə ilə prosesdən kənarda qalmağa “üstünlük verir”.

Bəli, Azərbaycanda keçirilən seçkilər azad şəraitdə baş tutur və mütərəqqi Seçki Məcəlləsi, “Siyasi partiyalar haqqında” Qanun, nəhayət ölkə Konstitusiyası bütün insanlara öz hüquq və azadlıqlarından istifadə etmək imkanları tanıyır. Redikül müxalifət isə bu imkanların hər birini “qara rəngə”boyamaqla əsl həqiqətləri gizlətməyə çalışır, özünün yalan təbdliğatını ictimai rəyə “ötürür”.

Məsələn, günlərdir “mitinq spekulyasiyası” ilə məşğul olan AXCP və sədri yenidən gündəmə gəlməyə çalışır. Azərbaycanın uğurlarına qarşı antimilli mövqeyi ilə düşmən münasibəti bəsləyən və xarici ermənipərəst dairələrin sifarişlərini yerinə yetirən AXCP sədri Əli Kərimli uğursuz “qabaqdangəlmişliyini” işə salıb. İllərdir öz uğursuzluğunu pafosun altında gizlətməyə çalışan Ə.Kərimli öz ənənəvi “adət”lərindən əl çəkmir. Köhnə qaraguruh təfəkküründən əl götürməyən, yalanın və pafosun arxasına sığınan Ə.Kərimli yenidən öz ampluasında zühur etməyə niyyətlənib. Çay gəlməmiş çırmanmağa öyrəncəli Kərimli seçki prosesi başlamamış özünün şər-böhtanlarına başlayıb. Seçkidə iştirak gücünün olmadığını, buna partiyasının potensialının, kadr ehtiyatının çatmadığını etiraf edə bilməyən, xalqdan dəstək qazana bilmədiyini gizlətməyə çalışan Əli Kərimli ölkəmizdə olan şəffaf, ədalətli seçki mühitinə ləkə yaxmaqdan əl çəkmir. Eyni zamanda, hələ seçkinin vaxtı müəyyən edilməmiş indidən xarici ermənipərəst təşkilatların “tezislərini” təkrarlayır, ona verilən direktivləri yerinə yetirir - Ə.Kərimlinin “seçkiyə indidən qara yaxmaq” əmrini də hansısa bağlı qapıdan aldığı şübhəsizdir. Məhz bu “tezis” altında meydan axtardığını “iddia edən” Kərimlinin niyyəti hər kəsə bəllidir - onsuz da hansısa bir aksiya keçirmək gücündə olmayan AXCP-ni qarşıdakı dönəmlərdə seçkilərdən “yan qaçırmaq” üçün bu kimi taktikalara əl atılır.

Diqqət yetirsək, sosial şəbəkələrdəki trol dəstəsi də Kərimli ilə eyni “havaya köklənib”. Bu isə o deməkdir ki, AXCP sədri yenə də hansısa maddi dəstək “qamarlayıb”. Amma Ə.Kərimli etiraf etmək istəmir ki, onun və ya partiyasının hər hansı bir seçkidə nailiyyət əldə etmək imkanı yoxdur - bu gün onun başçılıq etdiyi qurum partiya deyil, sadəcə qruplaşmadır və xalqın nifrətindən başqa heç nə qazanmayıb. Bu qruplaşmanın əsas məqsədi isə Ə.Kərimlini maddi cəhətdən təmin etməkdir.

MƏNSUR

Paylaş:

Baxılıb: 703 dəfə