Aİ ve Dünya Bankı Azərbaycanla bağlı yeni saziş imzalayıblar

Bakı:

22 °C

65 %

9 m/s

Əlaqə

AZ RU EN

Ana səhifə / Xəbər lenti / Aİ ve Dünya Bankı Azərbaycanla bağlı yeni saziş imzalayıblar

Aİ ve Dünya Bankı Azərbaycanla bağlı yeni saziş imzalayıblar

16.02.2022 [11:40]

Avropa ittifaqı (Aİ) və Dünya Bankı (DB) bu gün Azərbaycan üçün Çevik Texniki Yardım Aləti (AZTAF) üzrə inzibati sazişi imzalayıblar.

Aİ-dən Trend-ə verilən məlumata görə, ümumi büdcəsi 5,25 milyon avro təşkil edən bu üçillik proqram Al tərəfindən maliyyələşdirilir və DB tərəfindən idarə olunur.

Proqramın məqsədi Azərbaycan Hökumətinə "Azərbaycan 2030: sosial-iqtisadi inkişafa dair Milli Prioritetlərə" uyğun olaraq, məsləhət və analitik dəstəyi ve potensialın gücləndirilməsini təmin etməkdən ibarətdir. Bu dəstək sosial inklüzivliyi ve bağlantıları gücləndirməyə, iqtisadi islahatlara təkan verməyə, dövlət sektorunun idarəçiliyini gücləndirməyə və COVID-19-un təsirlərinin səmərəli şəkildə aradan qaldırlmasına kömək edəcək. Saziş Dünya Bankının Azərbaycan üzrə Ölkə Meneceri Sara Maykl və Aİ-nin Azərbaycandakı səfiri Peter Mixalko tərəfindən imzalanıb. İmzalanma mərasimində iqtisadiyyat nazirinin birinci müavini Elnur Əliyev iştirak edib.

AZTAF programı Aİ-nin dörd Tərəfdaşlıq Prioritetinə - i) institutlarin gücləndirilməsi və yaxşı dövlət idarəçiliyi, ii) iqtisadi inkişaf və bazar imkanları, iii) rəqəmsal bağlantılar, enerji səmərəliliyi, ətraf mühit və iqlimlə bağlı tədbirlər, iv) mobillik və insanlararası temaslara - uyğun olaraq, silsilə proqrammatik və ünvanlı texniki yardım fəaliyyətlərini əhatə edir.

"Aİ ve Dünya Bankının bu aləti Azərbaycan hökumətinin sosial-iqtisadi inkişaf gündəliyinə sürətli və əhəmiyyətli dəstəyi təmin edəcək. O, xüsusilə COVID-19-un uzun müddətli sosial iqtisadi təsirlərinin yumşaldılmasına kömək etməklə Azərbaycan xalqına, o cümlədən ən həssas əhali qruplarına fayda verəcək", - Aİ-nin Azərbaycandakı səfiri Peter Mixalko deyib. "Bu təşəbbüs Aİ və Azərbaycan arasında tərəfdaşlığın növbəti nümayişidir. O, Aİ-nin bu yaxınlarda 2 milyard avro investisiya potensialının olduğunu açıqladığı və müvafiq beynəlxalq maliyyə institutları ilə sıx əməkdaşlıq çərçivəsində icra olunacaq Azərbaycan üçün İqtisadi və İnvestisiya Planı ilə əlaqələndiriləcək."

AZTAF Dünya Bankı Qrupunun əhatəli iqtisadi artım, dövlət və korporativ idarəçilik, təmiz ətraf mühit ve dayanıqlı inkişaf, insan kapitalının inkişafı ve sosial inkluzivlik kimi sahələrdə həyata keçirilən və uzun müddətli tərəfdaşlıqlarına əsaslanır. O, əlavə potensialın gücləndirilməsi, bilik mübadiləsi ve analitik fəaliyyətlər vasitəsilə hökumətin strateji prioritetlerinə dəstəyi intensivləşdirmək məqsədilə Bankın hazırki səyləri və resurslarını tamamlayacaq.

"Biz iddialı AZTAF porqramını icra etmək məqsədilə Azərbaycan Hökuməti və Avropa İttifaqı ilə tərəfdaşlıqdan çox məmnunuq. İnanırıq ki, o, Azərbaycana iqtisadiyyatın və institutların müasirləşdirilməsi, xidmətlərin göstərilməsi və insan kapitalının inkişafı və hamı üçün yaşıl gələcəyin qurulmasına yardım edən əsas hökumət proqramları və islahatlarını dəstəkləyəcək", Dünya Bankının Azerbaycan üzrə ölkə meneceri Sara Maykl deyib: "Bu, bizim ölkə üzrə hazırki proqramımız üçün çox aktualdır və Azərbaycanla növbəti Ölkə Tərəfdaşlıq Çərçivəsinin hazırlanması üçün baza kimi çıxış edəcək".

AZTAF proqramı Hökumətin təxirəsalınmaz prioritetlərinə cavab verən konkret fəaliyyətləri əhatə edir. Bu fəaliyyətlər hökumətin dövlət müəssisələrinin idarəçiliyi, dövlət satınalmaları, su ehtiyatlarının idarə edilməsi, “ağıllı kəndlər”, rəqəmsal inkişaf, enerji səmərəliliyi, qadınların sahibkarlıq fəaliyyəti, əlillik və inkluzivlik kimi geniş spektrli prioritetlərini dəstəkləyəcək.

Paylaş:

Baxılıb: 1016 dəfə