Dünyanı ayaqda saxlayan adam - Rəcəb Tayyib Ərdoğan

Bakı:

19 °C

82 %

5 m/s

Əlaqə

AZ RU EN

Ana səhifə / Xəbər lenti / Dünyanı ayaqda saxlayan adam - Rəcəb Tayyib Ərdoğan

Dünyanı ayaqda saxlayan adam - Rəcəb Tayyib Ərdoğan

06.06.2023 [19:05]

Türk dünyasının yeni əsri başladı

Günel ABBASOVA

“Bildiyimiz kimi bir neçə gün əvvəl Ankarada Prezident sarayında cənab Rəcəb Tayyib Ərdoğanın səlahiyyətlərinin icrasına başlaması münasibətilə mərasim keçirildi. Mərasimdə dünyanın müxtəlif ölkələrindən dövlət, hökumət başçıları, parlament sədrləri, vitse-prezidentlər, nazirlər, səfirlər, beynəlxalq təşkilatların baş katibləri, din xadimləri iştirak etdi. Mərasimin başlanğıcında məkana daxil olan prezident Rəcəb Tayyib Ərdoğan və xanımı Əminə Ərdoğan qonaqlar tərəfindən ayaqda alqışlarla qarşılandı. Mərasimdə 90-dan çox ölkənin nümayəndələrinin iştirak etməsi Türkiyənin dünyadakı nüfuzunun yüksəkliyini göstərdi ”.

yeniazerbaycan.com xəbər verir ki, bu fikirləri Türkiyənin Azərbaycandakı sabiq səfiri, İMZA Sosial İnkişafa Dəstək İctimai Birliyinin Türkiyə nümayəndəsi Hulusi Kılıç deyib.

Onun sözlərinə görə, Prezident İlham Əliyev və birinci xanım Mehriban Əliyeva tədbirin ən mötəbər qonaqları idi: “Cənab Ərdoğan və xanımı Əminə Ərdoğan Azərbaycan Prezidentini və birinci xanımı ən yaxınlarında saxladılar. Qeyd etmək istərdim ki, seçkilər sadəcə Türkiyənin yox, Türk dünyasının seçkiləri idi. Prezident hörmətli Rəcəb Tayyib Ərdoğanın seçilməsi, Türkiyədə necə sevinclə qarşılandısa, Azərbaycanda da elə sevinclə qarşılandı. Yəni “bir millət. iki dövlət” anlayışı ilə Azərbaycan xalqı bu seçkiləri öz seçkiləri kimi qəbul etdi. Bu seçkilər qardaş Özbəkistanda, Qazaxıstanda, Qırğızıstanda və Türkmənistanda da böyük sevinc ilə qarşılandı, ayrıca Afrikanın bir çox ölkəsində, Balkanlarda böyük bir rəğbət gördü. Hörmətli prezidentin seçkiləri Avropaya qarşı da bir seçkidir, çünki bir çox Qərb ölkələrində Rəcəb Tayyib Ərdoğanın seçilməsinə qarşı böyük kampaniyalar həyata keçirildi. Yəni, Rəcəb Tayyib Ərdoğan bir tərəfdən Türkiyənin içindəki müxalifətə qarşı mübarizə edir, digər tərəfdən də bəzi Qərb ölkələrində prezidentin əleyhinə olanların tərəfdarlara qarşı savaşırdı. Bu mənada seçkilərdəki qalibiyyəti həm də çox böyük tarixi Zəfər hesab edə bilərik. Çünki seçkilərdən sonra daha güclü bir Türkiyə var və bu seçkilər Türkiyəni qlobal gücə çevirdi. Bununla yanaşı seçkilərdə türk xalqının iştirak səviyyəsi dünyaya bir nümunədir. Xalqın 89%-nin seçkilərdə iştirak etməsi, türk xalqının demokratiyaya bağlılığını və verdiyi önəmi göstərdi. Məlumdur ki, Qərbdə seçkilərdə iştirak göstəricisi 50%-dən də aşağıdır”.

H.Kılıç qeyd edib ki, yeni türk erası başladı və bu sadəcə Türkiyənin deyil, bütün Türk dünyasının əsri olacaq: “Bu əsr içərisində Azərbaycanla Ermənistan arasında sülh sazişinin imzalanması, Türk dövlətlər təşkilatının böyüyüb inkişaf etməsi, üstəlik Türk dövlətləri arasında əlaqələrin sıxlaşması gözlənilir. Bizim dostluğumuz heç kimə qarşı deyil. Bizə dost olanlara hər zaman dost olmaq istəyirik, bunu dünya bilsin. Amma bizimlə düşmən olanlar 44 günlük Vətən müharibəsini heç bir zaman yadından çıxartmasın. Əvvəlki fikirlərimə əlavə edərək bildirmək istərdim ki, Ermənistanın baş naziri Paşinyanın da tədbirə qatılması ayrı bir anlam verməkdədir. Biz bunu yaxşı şərh etsək, Azərbaycan Ermənistan arasındakı sülh sazişinin imzalanmasının yaxın olduğunu görərik. Ermənistan Türkiyə ilə əlaqələrini normallaşdırmaq istəyir, ancaq bunun ilk şərti öncə Azərbaycan və Ermənistan arasındakı sülh sazişinin imzalanmasıdır. Yeni əsrimiz xeyrli olsun, yeni əsr Türk əsri olacaqdır. Biz birlikdə güclüyük, gücümüz birliyimizdədir. Başda can Azərbaycan olmaqla Türk dövlətləri arasında birlik olacaqdır. Yaşasın, Türkiyə Azərbaycan qardaşlığı, yaşasın yeni Türk əsri”.

Paylaş:

Baxılıb: 577 dəfə