Heydər Əliyev
yeni azerbaycan logo

Ana səhifə / İdman / Lyuk Qrinbank: Birinci Avropa Oyunlarının açılış mərasimi valehedici idi

Lyuk Qrinbank: Birinci Avropa Oyunlarının açılış mərasimi valehedici idi

16.07.2015 [09:47]

“Bakı-2015” birinci Avropa Oyunları ən yüksək səviyyədə təşkil edilmişdi. Bakıya gəldiyimiz gün bizi Atletlər Kəndi ilə tanış etdilər. Bizi müşayiət edən şəxslərin, o cümlədən bələdçilərin gülərüzlülüyü və mehribanlığı insana xoş təsir bağışlayırdı.
AZƏRTAC xəbər verir ki, bu sözləri “Bakı-2015” birinci Avropa Oyunlarında qızıl medal qazanan britaniyalı üzgüçü Lyuk Qrinbank ölkəmiz və Oyunlarla bağlı təəssüratlarını bölüşərkən deyib.
İdmançı qeyd edib ki, Bakıda əsl Olimpiya Oyunları mühiti yaradılmışdı. Bu mühit insanı valeh edirdi. Avropanın müxtəlif ölkələrindən olan atletlərlə birgə vaxt keçirmək Oyunların ən maraqlı və cəlbedici anlarından idi. Atletlər Kəndindəki yeməkxana çox xoşuma gəldi. Azərbaycan milli mətbəxinin ləziz nümunələrinin dadı indi də yadımdadır.
Oyunlarda iştirakından danışan atlet birinci Avropa Oyunlarının onun üçün uğurlu olduğunu vurğulayaraq Azərbaycandan qızıl medalla qayıtmasından məmnunluğunu bildirib.
“Bakı-2015”in möhtəşəm açılış mərasimi ilə bağlı təəssüratlarını bölüşən idmançı deyib: “Bağlanış mərasimi, bir sözlə, valehedici idi. Tam əminliklə deyə bilərəm ki, bütün atletlər bu möhtəşəm mərasimə heyranlıqla baxırdılar. Sonda isə musiqi sədaları altında çox xoş vaxt keçirdik. Azərbaycana və təşkilatçılara bu gözəl idman mərasiminə görə dərin minnətdarlığımı bildirirəm”.

 
Paylaş:
Baxılıb: 939 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30