Ermənistan hökuməti "Xocalıya Ədalət" kampaniyasının saytına girişi qadağan edib

Bakı:

27 °C

41 %

4 m/s

Əlaqə

AZ RU EN

Ana səhifə / Siyasət / Ermənistan hökuməti "Xocalıya Ədalət" kampaniyasının saytına girişi qadağan edib

Ermənistan hökuməti "Xocalıya Ədalət" kampaniyasının saytına girişi qadağan edib

23.07.2009 [09:32]

Yerevan bununla informasiya azadlığı və insan hüquqları üzrə üzərinə götürdüyü bütün beynəlxalq öhdəlikləri kobud şəkildə pozur
Ermənistan hökuməti ölkə ərazisində yerli istifadəçilərə “Xocalıya Ədalət” kapmaniyasının rəsmi saytına (www.justiceforkhojaly.org) girişi qadağan edib.
İKT Gənclər Forumundan APA-ya verilən məlumata görə, İrəvandan olan gənc internet istifadəçilərindən biri kampaniyanın Facebook səhifəsində belə bir şərh yerləşdirib: (http://www.facebook.com/pages/Khojaly-town/Justice-for-Khojaly-Campaign/101823787520?ref=mf) “Mənim yüksək keyfiyyətli internetim var, lakin sayta girəndə “Qadağandır” sözü yazılır və mən müxtəlif yerlərdən sayta girməyə cəhd etsəm də, eyni nəticə ilə üzləşdim....”
“Xocalıya Ədalət” kampaniyası dünən yayımladığı məlumatda Ermənistan əhalisinin, xüsusilə, gənclərin internet saytlara daxil olmaqda üzləşdikləri problemi bu ölkədə informasiya azadlığının və Ermənistanın insan haqları üzrə üzərinə götürdüyü beynəlxalq öhdəliklərin Ermənistan hakimiyyəti tərəfindən pozulması kimi qiymətləndirib.
“Xocalıya Ədalət” kapmaniyasının Facebook səhifəsinin administratoru Elməddin Mehdiyev yaranmış vəziyyəti belə şərh edib: “Biz problemi araşdırdıq, həqiqətən Ermənistanda (www.justiceforkhojaly.org) bu sayta girişə qadağa qoyulduğunu aşkar etdik. Hətta Ermənistanın ınternet məkanında sayta bizim tərəfdən qadağa qoyulduğu haqda şayiə yayılır. Bunun Ermənistan hakimiyyətinin növbəti yalan təbliğat aksiyası olduğunu aşağıdakı faktlar sübut edir. Məlum olduğu kimi, sayt kampaniyanın ABŞ-dakı fəalları tərəfindən yaradılıb və bu ilin fevral ayından etibarən dünyanın 101 ölkəsindən 15 000-ə yaxın şəxs saytın materialları ilə tanış olub. Qeyd olunanları nəzərə alaraq, bildirmək istəyirəm ki, sayta girişə Azərbaycan ərazisindən məhdudiyyət qoymaq texniki baxımdan qeyri-mümkündür. Bundan əlavə, erməni təbliğatçıları kampaniyanın məqsədlərindən birinin Xocalı faciəsi haqqında düzgün məlumatın məhz Ermənistan ictimaiyyətinə çatdırılması olduğunu nəzərə almayıblar, çünki saytın yaradıcıları tərəfindən sayta Ermənistanda girişə qadağa qoyulması məntiqə uyğun olmazdı. Bu faktlara və İKT üzrə mütəxəssislərin rəylərinə əsaslanaraq əminliklə demək olar ki, Xocalı qırğınını törədən indiki Ermənistan hakimiyyəti bu faciə haqda düzgün məlumatın Ermənistanda yayılmasının qarşısını almaq üçün ölkədə sayta girişə qadağa qoyub”.
Hadisə ilə əlaqədar “Xocalıya Ədalət” kampaniyası hüquq-müdafiəsi təşkilatları fəallarını və öz tərəfdarlarını Ermənistan hökumətinə öz etirazını bildirməyə və beynəlxalq təşkilatların diqqətini bu fakta cəlb etməyə çağırıblar. “Xocalıya Ədalət” kampaniyasının koordinasiya mərkəzindən verilən məlumata görə, erməni ictimaiyyətinin sayta daxil olmasını təmin etmək üçün hazırda müvafiq yollar araşdırılır.

Paylaş:

Baxılıb: 1377 dəfə