Qırmızı köhnə avtomobil Türkiyədə simvola çevrilib

Bakı:

24 °C

64 %

2 m/s

Əlaqə

AZ RU EN

Ana səhifə / Xəbər lenti / Qırmızı köhnə avtomobil Türkiyədə simvola çevrilib

Qırmızı köhnə avtomobil Türkiyədə simvola çevrilib

24.02.2023 [10:07]

Şamil Ayrım: Bu ağır günlərdə Azərbaycanla Türkiyə parlamentlərarası əlaqələrini də düzgün koordinasiya edir

“Zəlzələ başladığı vaxtdan Azərbaycan dövlət və xalq olaraq Türkiyənin yanındadır. Azərbaycan Türkiyə Parlamentlərarası dostluq qrupunun rəhbəri Əhliman Əmiraslanov da bizimlə mütəmadi əlaqə saxlayır”. Bu fikirləri “Yeni Azərbaycan” qəzetinə açıqlamasında Türkiyə-Azərbaycan Parlamentlərarası Dostluq Qrupunun rəhbəri, AKPartiya İstanbul millət vəkili Şamil Ayrım bildirib.

Zəlzələnin baş verdiyi gündən Azərbaycan-Türkiyə Parlamentlərarası Dostluq Qrupunun sədri Əhliman Əmiraslanovun onunla əlaqə saxladığını deyən millət vəkili bu əlaqələrin koordinasiyalı şəkildə təşkil olunduğunu deyib: “Bu ağır günlərdə hər sahədə olduğu kimi parlamentlərarası əlaqələrimiz də koordinasiya olundu. Əhliman Əmiraslanov ilk vaxtdan Azərbaycan Milli Məclisi adından bizə başsağlığı verdi. Ondan sonra dəfələrlə telefonla əlaqə saxladı, “nə köməyə ehtiyac var”, - deyə, soruşdu. Azərbaycandan bu müddətdə bizə müxtəlif istiqamətdə yardımlar gəldi. Azərbaycan parlamenti rəhbərliyinin göstərişi ilə Türkiyəyə 40 ədəd generator göndərildi. Azərbaycanla Türkiyə hər sahədə olduğu kimi parlamentlərarası münasibətlərdə də intizamlı və mehribandır. Onsuz da zəlzələ baş verən andan Azərbaycan Prezidenti Cənab

İlham Əliyev ənənəvi olaraq göstəriş verdi və ilk kömək, humanitar yardım Azəraycandan gəldi. Əlbəttə biz elə belə bir münasibət də gözləyirdik. Çünki Azərbaycanla Türkiyə mütəffiqlik içindədir”.

Azərbaycanlı tələbələrin Malatyada zəlzələ vaxtı dağıntılar altında qalıb həlak olmasına çox təəssüfləndiyini deyən millət vəkili Türkiyə-Azərbaycan Parlamentlərarası Dostluq Qrupunun sədri olaraq bu məsələ ilə bağlı mütəmadi Azərbaycan tərəfi məlumatlandırdığını bildirib.

Millət vəkili Azərbaycanın Türkiyədəki Səfirliyi, İstanbuldakı Baş Konsulluğu, eləcə də Türkiyənin Azərbaycandakı Səfriliyi ilə də bu müddətdə koordinasiyalı əlaqələrin oduğunu qeyd edib.

Şamil Ayrım qırmızı köhnə avtomobilini yardımla yükləyib Türkiyəyə kömək üçün gəlməyə çalışan Sərvər Bəşirlinin səmimiyyətinin Türkiyədə bir simvola çevrildiyini də vurğulayıb. Millət vəkili “Qardaş köməyi” platforması çərçivəsində Azərbaycandan Türkiyəyə verilən dəstəyin “Bir millət iki dövlət prinsipi”nə sadiqliyin gösətricisi olaraq qiymətləndirib.

Millət vəkili bu ağır günlərdə Türkiyəyə verilən qardaş dəstəyinə görə Azərbaycan dövlət başçısına və xalqına təşəkkürünü bildirib və qüdrətli Türkiyənin zəlzələdə dağılan əraziləri bərpa edəcəyini, zərərçəkənlərə hər cür dəstək veriləcəyini qeyd edib.

Sevil Ünal Hilalqızı,

Ankara

Paylaş:

Baxılıb: 435 dəfə