Ali məktəblərdə qış tətilinin müddəti uzadılacaqmı?

Bakı:

26 °C

50 %

3 m/s

Əlaqə

AZ RU EN

Ana səhifə / Xəbər lenti / Ali məktəblərdə qış tətilinin müddəti uzadılacaqmı?

Ali məktəblərdə qış tətilinin müddəti uzadılacaqmı?

11.02.2022 [23:23]

Son günlər koronavirusun “Omikron” ştamının sürətlə yayılması cəmiyyətdə narahatlığa səbəb olur. Sosial şəbəkələrdə bəzi şəxslər bununla bağlı müxtəlif versiyalar təklif edirlər. Bir qrup şəxs hesab edir ki, distant təhsilə keçid virusun yayılmasının qarşısını ala bilər.

Yeri gəlmişkən, dünən Milli Məclisin Əmək və sosial siyasət komitəsinin sədri Musa Quliyev də ali məktəblərdə qış tətilinin müddətinin uzadılması ilə bağlı çıxış edib.

O bildirib ki, koronavirusun “Omikron” ştamının epidemiyası ölkəmizdə bir aydan artıqdır ki, davam edir və yoluxma pik həddinə çatmaqdadır: “Omikron” ştamı yüngül klinik əlamətlərlə, az ağırlaşma ilə müşahidə olunsa da, yüksək yoluxuculuq xassəsi ilə fərqlənir, remissiya dövrü qısadır, az vaxtda çoxlu sayda insanların yoluxmasına səbəb olduğundan iş və tədris rejiminin pozulmasına səbəb olur. Buna görə də omikron infeksiyasının geniş yayılmasının qarşısının alınması dünyada sərt lokdaunla deyil, lokal qapanmalarla daha effektiv hesab edilir. Azərbaycanda belə lokal qapanmaları ayrı-ayrı orta məktəblərdə, siniflərdə və uşaq bağçalarında görürük”.

“Ali məktəblərdə qış tətili fevralın 15-də bitir. Yeni təhsil sessiyasının başlanması “Omikron” ştamı epidemiyasının pik dövrünə təsadüf etdiyindən gələn həftələr içərisində yeni alovlanma ilə qarşılanma təhlükəsi yox deyil. Bir qrupda, fakültədə, kursda onlarla tələbənin və müəllimin yoluxma ehtimalı olduqca yüksəkdir. Hər yoluxan şəxsin və onunla yaxın təmasda olanların azı 1 həftəlik izolyasiyası əyani təhsil prosesinin bir çox universitet və kolleclərdə pozulmasına səbəb olacaq, üstəlik, infeksiya auditoriyalardan evlərə daşınacaq. Bunun dərman, müalicə xərclərini, bərpa dövründə tələbənin təhsilalma keyfiyyətinin də aşağı düşəcəyi ehtimalları nəzərə alanda qarşılaşacağımız çətinliyin miqyasının daha da böyüyə biləcəyini söyləmək mümkündür. Yuxarıda qeyd edilənləri nəzərə alaraq təklif edirəm ki, təhsil müəssisələrində qış tətilinin müddəti 7-10 gün uzadılsın, yaxud yaz sessiyasının dərsləri fevral ayının sonuna kimi yalnız onlayn qaydada keçirilsin. Lazımi lokal qapanma, vaksinasiya və qorunma tədbirlərini həyata keçirməklə yaxın 10-15 gündə “Omikron”un yoluxma intensivliyinin enişini müşahidə edə biləcəyik”, - komitə sədri vurğulayıb.

Təhsil Nazirliyi ali məktəblərdə qış tətilinin müddəti uzadılacaqmı sualımıza cavab olaraq bildirib ki, hazırda tələbələrin qış tətilinin uzadılması ilə bağlı məsələ müzakirə olunmur.

TƏBİB isə bu barədə hələlik heç bir rəsmi məlumat olmadığını bildirdi.

Nicat

Paylaş:

Baxılıb: 796 dəfə