YAP Gədəbəy rayon təşkilatı Gənclər Birliyinin hesabat-seçki konfransı keçirilib

Bakı:

12°C

87%

4m/s

Əlaqə

AZ RU EN

Ana səhifə / YAP xəbərləri / YAP Gədəbəy rayon təşkilatı Gənclər Birliyinin hesabat-seçki konfransı keçirilib

YAP Gədəbəy rayon təşkilatı Gənclər Birliyinin hesabat-seçki konfransı keçirilib

05.03.2015 [09:44]

Yeni Azərbaycan Partiyası (YAP) Gədəbəy rayon təşkilatı Gənclər Birliyinin IV hesabat-seçki konfransı keçirilib. Konfransda Milli Məclisin üzvü Sevinc Hüseynova, YAP Mərkəzi Aparatın məsul işçisi Rəfael Gülməmmədov, Gədəbəy RİH başçısının birinci müavini Qüdrət Paşayev, YAP Gədəbəy rayon təşkilatının sədri Rüstəm Nağıyev və rayon təşkilatının Gənclər Birliyinin üzvləri iştirak ediblər.
Konfransı giriş sözü ilə açan YAP Gədəbəy rayon təşkilatının sədri Rüstəm Nağıyev bildirib ki, Ulu öndər Heydər Əliyevin rəhbərliyi ilə yaradılan Yeni Azərbaycan Partiyası hər zaman xalqın maraqları, dövlətçilik mənafeyi uğrunda mübarizə aparıb. Onun sözlərinə görə, bu siyasi kurs YAP Sədri, ölkə Prezidenti İlham Əliyevin rəhbərliyi altında davam və inkişaf etdirilir: “Yeni Azərbaycan Partiyası ölkəmizin siyasi səhnəsində uğurla fəaliyyət göstərir və bu gün Prezident İlham Əliyevin rəhbərliyi altında öz prinsiplərinə sadiqliyini nümayiş etdirir”.
Daha sonra hesabat məruzəsi ilə çıxış edən YAP Gədəbəy rayon təşkilatı Gənclər Birliyinin sədr müavini Alim Verdiyev bildirib ki, YAP Gədəbəy rayon təşkilatının 5811 nəfər üzvünün 2077 nəfərini gənclər təşkil edir. Partiya üzvü olan 32 gənc 23 dekabr 2014-cü ildə keçirilən bələdiyyə seçkilərində seçicilərin etiimadını qazanaraq bələdiyyə üzvü seçiliblər. Hesabat dövründə YAP Gədəbəy rayon təşkilatı GB-nin sıralarına 215 nəfər qəbul olunub. Vurğulanıb ki, Ulu öndər Heydər Əliyevin siyasi kursunun layiqli davamçısı, Azərbaycan Respublikasının Prezidenti İlham Əliyevin rəhbərliyi ilə ölkəmizdə həyata keçirilən dövlət gənclər siyasəti hər zaman böyük uğurlarla müşayiət olunur.
Daha sonra YAP Gədəbəy rayon təşkilatı Gənclər Birliyinin 15 nəfərdən ibarət şura üzvü və 7 nəfərdən ibarət İdarə Heyəti, o cümlədən, Vüqar Mürsəlov GB-nin sədri, Elvin Cahangirov isə sədr müavini seçilib. Bundan başqa, YAP Gənclər Birliyinin respublika konfransına nümayəndələr seçiliblər.
Konfransda çıxış edən Milli Məclisin üzvü Sevinc Hüseynova, YAP Mərkəzi Aparatın məsul işçisi Rəfael Gülməmmədov, Gədəbəy RİH başçısının birinci müavini Qüdrət Paşayev yeni seçilmiş tərkibə gələcək işlərində uğurları arzulayıb, ölkəmizdə gənclərə göstərilən diqqət və qayğıdan söz açıblar.
Tədbirin sonunda konfrans iştirakçıları adından YAP Sədri, ölkə Prezidenti İlham Əliyevə müraciət qəbul olunub.
PƏRVİZ

Paylaş:

Baxılıb: 922 dəfə