Milli Məclisin deputatı Rauf Əliyev Strasburqda səfərdə olub

Bakı:

27 °C

59 %

6 m/s

Əlaqə

AZ RU EN

Ana səhifə / Siyasət / Milli Məclisin deputatı Rauf Əliyev Strasburqda səfərdə olub

Milli Məclisin deputatı Rauf Əliyev Strasburqda səfərdə olub

23.05.2015 [09:37]

Fransanın Strasburq şəhərində Avropa Şurasının “İdman üzrə genişləndirilmiş müqavilə” təşkilatının (EPAS) İdarə Heyətinin iclası keçirilib. İclasda Azərbaycan Milli Məclisinin deputatı Rauf Əliyev və Gənclər və İdman Nazirliyinin beynəlxalq əlaqələr şöbəsinin müdiri İlham Mədətov iştirak ediblər.
Tədbirdə Avropa Şurasının Konvensiyalar Komitəsi tərəfindən həyata keçirilmiş fəaliyyətlər və Avropa Şurasının “İdman yarışlarının manipulyasiyasına dair Konvensiyası”nın üzv ölkələr tərəfindən imzalanıb ratifikasiya edilməsi sahəsindəki vəziyyət barədə ümumi məlumat verilib.
Azərbaycan nümayəndə heyətinin üzvləri iclas zamanı çıxış edərək ölkəmizdə kütləvi idman tədbirlərinin və idman yarışlarının keçirilməsi zamanı zorakılığın qarşısının alınması, ictimai təhlükəsizliyin və ictimai asayişin təmin edilməsi məqsədi ilə “Bədən tərbiyəsi və idman” haqqında Azərbaycan Respublikasının Qanununa dəyişiklik edildiyi barədə məlumat veriblər. İlk dəfə keçirilən Avropa Oyunları ərəfəsi qəbul edilən bu qərar mühüm əhəmiyyət kəsb edir. Həmçinin, Avropa Şurasının “İdman yarışlarının manipulyasiyasına dair Konvensiyası”nın ratifikasiya edilməsi üçün görülən müvafiq işlər barəsində məlumat verilib. Bildirilib ki, Azərbaycan Avropa Şurasının “İdman yarışlarının manipulyasiyasına dair Konvensiyası”nı 17 sentyabr 2014-cü il tarixdə İsveçrənin Makolin şəhərində keçirilmiş Avropa Şurasının idman nazirlərinin 13-cü konfransı zamanı imzalayıb.
İclasda, “İdmanda gender məsələləri”, “Uşaq və gənc idmançıların miqrasiya ilə bağlı təhlükələrdən müdafiəsi” və “Qəfəsdə döyüş kimi qaydasız döyüşlərin qadağan olunmasına” dair tövsiyələrin müzakirəsi zamanı həmin tövsiyələrin ölkələrdə həyata keçirilməsi vəziyyəti barədə ekspertlərin fikirləri dinlənilib, milli səviyyədə idman nazirliyinin və federasiyaların birgə fəaliyyətinin vacibliyi vurğulanıb və bu sahədə ən yaxşı təcrübələrin toplanması və internet vasitəsi ilə yayılması qərara alınıb.
Tədbir çərçivəsində ölkəmizi təmsil edən nümayəndələr iştirakçılara gələn ay ölkəmizdə keçiriləcək ilk Avropa Oyunları ilə bağlı ətraflı məlumat verib, tanıtım materialları paylayıblar.
İclasda müzakirə edilən əsas mövzulardan biri də Azərbaycan Respublikası Gənclər və İdman Nazirliyinin EPAS Katibliyi ilə birgə 13 iyun 2015-ci il tarixdə Bakı şəhərində “İrimiqyaslı idman tədbirlərində sosial davamlılığın dəstəklənməsi” mövzusunda Avropa Şurası idman nazirlərinin qeyri-formal görüşünün təşkili olub. Adı çəkilən tədbirdə ilk Avropa Oyunlarının açılış mərasiminə artıq qeydiyyatdan keçmiş 30-a yaxın idmana məsul nazirlərin iştirakı gözlənilir. Səfər çərçivəsində, həmçinin, EPAS Katibliyinin icraçı direktoru Stanislas Frossardla görüş zamanı Avropa Şurası idman nazirlərinin qeyri-formal görüşünün təşkilati məsələləri ilə bağlı müzakirələr aparılıb.

Paylaş:

Baxılıb: 650 dəfə