Son 10 ildə təhsilin inkişafı üçün mühüm olan dövlət proqramları qəbul edilib

Bakı:

13 °C

94 %

4 m/s

Əlaqə

AZ RU EN

Ana səhifə / YAP xəbərləri / Son 10 ildə təhsilin inkişafı üçün mühüm olan dövlət proqramları qəbul edilib

Son 10 ildə təhsilin inkişafı üçün mühüm olan dövlət proqramları qəbul edilib

25.09.2013 [10:21]

YAP Binəqədi rayon təşkilatı təbliğat-təşviqat kampaniyası çərçivəsində görüşlərini davam etdirir
Yeni Azərbaycan Partiyası (YAP) Binəqədi rayon təşkilatı 9 oktyabr prezident seçkiləri ilə əlaqədar təbliğat-təşviqat kampaniyası çərçivəsində seçicilərlə görüşləri davam etdirir. Bu qəbildən olan növbəti görüş isə dünən müəllim-tələbə heyəti ilə keçirilib.
Görüşü giriş sözü ilə açan Azərbaycan Əmək və Sosial Münasibətlər Akademiyasının (AƏSMA) prorektoru Sirac Məmmədov ölkəmizin növbəti prezident seçkiləri ərəfəsində olduğunu bildirib. Daha sonra Prezident İlham Əliyevin son 10 ildə həyata keçirdiyi uğurlu siyasətdən danışan S.Məmmədov deyib ki, bu gün Azərbaycan regionun aparıcı dövlətinə çevrilib: “Doğrudan da, son 10 ildə əldə olunan uğurların sayı-hesabı yoxdur. Ümummilli lider Heydər Əliyevin əsasını qoyduğu təhsil siyasəti bu gün Prezident İlham Əliyev tərəfindən uğurla həyata keçirilir, təhsil sahəsində kompleks islahatlar aparılır”.
Sonda Sirac Məmmədov seçkidə hər kəsi fəal olmağa çağırıb.
Görüşdə çıxış edən YAP Binəqədi rayon təşkilatının sədri Ramiz Göyüşov “Bildiyiniz kimi, Yeni Azərbaycan Partiyası prezident seçkilərində cənab İlham Əliyevin namizədliyini irəli sürüb. Bu gün partiyamızın namizədinin təbliğat-təşviqat kampaniyası gedir. Bu kampaniya çərçivəsində ən müxtəlif görüşlər keçirilir və seçicilərlə müzakirələr aparılır” - deyib.
Azərbaycan Əmək və Sosial Münasibətlər Akademiyasında təhsil alan tələbələrin əksəriyyətinin məhz müstəqillik illərində doğulduğunu deyən YAP Binəqədi rayon təşkilatının sədri ölkəmizdə son 10 ildə təhsilin inkişafı üçün mühüm olan dövlət proqramlarının qəbul edildiyini bildirib. Həyata keçirilən dövlət proqramları sayəsində ölkəmizin sürətlə inkişaf etdiyini deyən Ramiz Göyüşov müəllim-tələbə heyətini seçkilərdə fəal şəkildə iştirak etməyə və cənab İlham Əliyev tərəfindən aparılan uğurlu daxili və xarici siyasətə səs verməyə səsləyib.
Sonra tədbirdə çıxış edən Milli Məclisin üzvü Rafael Cəbrayılov da Azərbaycanda uğurla həyata keçirilən gənclər siyasətindən danışıb və gəncləri seçkilərdə aktiv iştirak etməyə səsləyib. “Bütün dövrlərdə insan üçün azadlıq hüququndan sonra ikinci mühüm hüquq seçki hüquq olub. Bu mənada mən istərdim ki, hər bir gənc, hər bir seçici seçkilərdə iştirak etsin və vicdanla seçim etsin” - deyən millət vəkili, həmçinin, çıxışında ölkəmizdə aparılan sosial-iqtisadi siyasət barədə də danışıb.
Sonra çıxış edən Bakı Pedaqoji Kadrların İxtisasartırma və Yenidənhazırlanması İnstitutunun rektoru, professor Asəf Zamanov ölkədə intellektual potensialın inkişaf etdiyini və Prezident İlham Əliyevin elmə, təhsilə daim diqqət göstərdiyini bildirib. Azərbaycanda neft kapitalının intellektual kapitala çevrilməsi istiqamətində böyük işlərin görüldüyünü deyən rektor gəncləri 9 oktyabrda cənab İlham Əliyevə səs veməyə çağırıb.
Tədbirdə çıxış edən Akademiyanın müəllimi, professor Rafiq Zeynalov, Akademiyanın tərbiyə işləri üzrə təlimatçısı Şərafəddin Şərifov, YAP ərazi ilk partiya təşkilatının sədri Hökumə Əkbərova, həmçinin, Akademiyanın iqtisadiyyat və inzibati idarəetmə fakültəsinin 3-cü kurs tələbəsi Nigar Camalzadə 9 oktyabr seçkilərində cənab İlham Əliyevə səs verəcəklərini bildirdilər.
NADİR

Paylaş:

Baxılıb: 1161 dəfə