YAP Nəsimi rayon təşkilatında veteran qadınlarla görüş keçirilib

Bakı:

27 °C

59 %

6 m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatında veteran qadınlarla görüş keçirilib

YAP Nəsimi rayon təşkilatında veteran qadınlarla görüş keçirilib

24.10.2017 [10:07]

Yeni Azərbaycan Partiyasının (YAP) yaradılmasının 25 illiyi münasibətilə oktyabrın 21-də YAP Nəsimi rayon təşkilatında veteran qadınlarla görüş keçirilib.
AZƏRTAC xəbər verir ki, görüşdə YAP Nəsimi rayon təşkilatının sədri, Milli Məclisin deputatı Məlahət İbrahimqızı ölkəmizin ən aparıcı siyasi qüvvəsi olan YAP-ın tarixindən, partiyanın müstəqilliyimizin, dövlətçiliyimizin möhkəmlənməsində, ölkəmizin inkişafındakı mühüm rolundan ətraflı danışıb. Deyib ki, Azərbaycan xalqının Ümummilli lideri Heydər Əliyevin qətiyyəti və iradəsi ilə yaradılmış Yeni Azərbaycan Partiyası bu gün həm ölkə daxilində, həm də regionda lider partiyaya çevrilib.
Bildirilib ki, Ulu öndər Heydər Əliyev ideyalarına sadiq olan və bu ideyalar əsasında fəaliyyət göstərən Yeni Azərbaycan Partiyası Prezident İlham Əliyevin Sədrliyi ilə böyük inkişaf yolu keçib. Bu gün YAP milli siyasi iradəni təmsil edən və xalqımızın milli maraqlarını ifadə edən vahid və avanqard siyasi qüvvəyə çevrilib. Azərbaycan bu gün xalq iqtidar birliyinin nəticəsində Ulu öndərin müəyyən etdiyi strateji xətlə inamla inkişaf edir. Bu xətti əzmlə irəli aparan isə Ulu öndərin layiqli varisi, praqmatik dövlət xadimi, dünya miqyasında böyük hörmət və nüfuza malik Prezident İlham Əliyevdir.
Yeni Azərbaycan Partiyası İdarə Heyətinin üzvü, YAP Qadınlar Şurasının sədri, Bakı Slavyan Universitetinin rektoru, professor Nurlana Əliyeva Ümummilli liderin qurub-yaratdığı azad, müstəqil, demokratik Azərbaycanın inkişafının yüksək səviyyədə olduğunu qeyd edib. O, Azərbaycan qadınlarının daim ölkəmizin inkişafına töhfə verməkdən məmnunluğunu bildirib. Nurlana Əliyeva deyib: “Qeyd etmək lazımdır ki, Ulu öndər Heydər Əliyev Yeni Azərbaycan Partiyasının Qadınlar Şurasını təsis etdi. Qısa bir müddətdə bu Şuranın tərkibinə axın-axın qadınlarımız gəldi. Bu, Azərbaycan qadınına olan önəmin göstəricisidir. Bu gün Azərbaycan qadınları xarici ölkələrdə, beynəlxalq təşkilatlarda ölkəmizi layiqincə təmsil edirlər”.
BSU-nun rektoru bildirib ki, ölkəmizin bugünkü sabitliyinə və əmin-amanlığına görə ilk növbədə dövlətimizin başçısı İlham Əliyevə minnətdar olmalıyıq. Azərbaycan tarixində özünəməxsus yer tutan Yeni Azərbaycan Partiyası ölkəmizin inkişafında da xüsusi rola malikdir. Çünki bu, ziyalılarımızın, vətənpərvərlərimizin məqsədini, arzusunu, mübarizəsini bir yerə toplamaq üçün yaradılmış bir partiyadır.
Daha sonra YAP Nəsimi rayon Qadınlar Şurasının sədri, Nəsimi rayon İcra Hakimiyyəti başçısının birinci müavini Gülarə Verdiyeva, YAP Nəsimi rayon təşkilatı idarə heyətinin üzvü, Prezident təqaüdçüsü Səriyyə Əbilhəsənova çıxış ediblər. Bildirilib ki, Yeni Azərbaycan Partiyası müstəqil Azərbaycan dövləti ilə paralel addımlayıb. Bu gün Azərbaycanın əldə etdiyi bütün nailiyyətlərdə Yeni Azərbaycan Partiyasının böyük rolu var. Bu nailiyyətlərin qazanılmasında hər bir partiya üzvümüzün böyük əməyi var. Bütün bu xidmətlər Azərbaycan tarixinə qızıl hərflərlə yazılacaq və gələcək nəsillərə çatdırılacaq.
Sonra bir qrup veteran qadınlar mükafatlandırılıb.
Görüşdə Milli Məclisin deputatları Sevinc Fətəliyeva, Sahibə Qafarova, Sədaqət Vəliyeva, Şuşa rayon İcra Hakimiyyəti başçısının müavini Vüsalə Fətəliyeva və başqaları iştirak ediblər.

Paylaş:

Baxılıb: 838 dəfə