4 + 44 Ermənistan məğlubiyyətini niyə həzm edə bilmir?

Bakı:

24 °C

75 %

10 m/s

Əlaqə

AZ RU EN

Ana səhifə / Siyasət / 4 + 44 Ermənistan məğlubiyyətini niyə həzm edə bilmir?

4 + 44 Ermənistan məğlubiyyətini niyə həzm edə bilmir?

05.04.2022 [10:15]

2016 -cı il aprelin əvvəlində 4 və 2020-ci il sentyabrın 27-dən noyabrın 10-dək davam edən 44 günlük müharibələr haqlı olaraq Azərbaycanın son 200 illik tarixinin ən şanlı səhifələri kimi dəyərləndirilir. 4 günlük müharibədə Böyük Qələbəyə cığır açan Azərbaycan, 44 günlük Vətən müharibəsində düşməni tam diz çökdürdü və ölkəmizin ərazi bütövlüyünü təmin etdi.

M.ABDULLAYEV

Postmüharibə dövründə respublikamız işğaldan azad edilmiş 10 min kvadratkilometrədək ərazidə müxtəlif istiqamətlərdə işlər həyata keçirir. Böyük Qayıdışın təmin edilməsi məqsədilə aparılan fəaliyyət istiqamətlərindən biri isə işğaldan azad edilmiş ərazilərdə Ordumuzun möhkəmlənməsinin təmin edilməsidir. Postmüharibə dövründə Ermənistandakı “bəlkə də, qaytardılar” xülyası ilə yaşayan revanşist qüvvələr təxribatlara əl atırlar. Elə məğlub Ermənistanın hakimiyyəti də üçtərəfli Bəyanatın, Moskvada, Soçidə və Brüsseldə əldə olunan razılaşmaların şərtərini yerinə yetirməkdən uzaq görünür. Məlum Bəyanatla üzərinə götürdüyü öhdəliklərdən yayınmağa çalışan Ermənistan hələ də Rusiya sülhməramlılarının müvəqqəti nəzarət zonasından hərbi birləşmələrini çıxartmayıb, əksinə Laçın dəhlizi vasitəsilə respublikamızın ərazisinə silahlı dəstələr göndərməkdə davam edir, artıq mövcud olmayan Dağlıq Qarabağa hansısa statusun verilməsindən danışır.

Düşmənin xislətinə, məkrli niyyətlərinə yaxşı bələd olan Azərbaycan igid əsgər və zabitlərinin canı, qanı hesabına işğaldan azad edilən ərazilərdə mümkün möhkəmləndirmə tədbirləri görür, zərurət yarandıqda hərbi hissələrin dislokasiya yerlərini dəyişir. Müharibənin başa çatmasından sonra Murovdan Arazadək olan ərazilərdə 700 kilometrədək yollarda təmir-bərpa işləri aparılıb, yeni hərbi hissələr tikilərək istifadəyə verilib, müxtəlif təyinatlı mühəndis təminatı işləri yerinə yetirilib. Son olaraq mart ayının üçüncü ongünlüyündə Tərtər rayonunun Suqovuşan qəsəbəsində Müdafiə Nazirliyinin “N” saylı hərbi hissəsinin açılışı baş tutub. Paralel şəkildə, hərbi hissələrin, postlarımızın, sərhədçilərimizin dislokasiya yerləri şəraitdən asılı olaraq dəyişdirilir.

Məğlub Ermənistan isə Azərbaycanın işğaldan azad olunmuş ərazilərində möhkəmlənməyə, ordumuzun döyüş hazırlığının yüksəldilməsinə hədəflənən fəaliyyətindən isterikaya düşərək öz havadarlarına və müxtəlif beynəlxalq təşkilatlara şikayətlər ünvanlayır və yaxud təxribatlara əl atır. Son günlərdə Rusiya sülhməramlılarının müvəqqəti nəzarət zonasından ordumuzun mövqelərinin atəşə tutulması halları da artıb. Bundan başqa, Ermənistandakı müəyyən dairələr tərəfindən Azərbaycanın yeni ərazilər tutmağa hazırlaşdığı barədə dezinformasiyalar yayılır. Bütün bunlar ona dəlalət edir ki, sözdə “sülh sazişi imzalamağa hazırıq” deyən Ermənistanın apardığı siyasət əslində sülhə və təhlükəsizliyə təhdidlər yaradır. Bir daha xatırlatmaq istərdik ki, işğaldan azad edilmiş ərazilərdə hər hansı bir fəaliyyəti həyata keçirmək Azərbaycanın müstəsna hüququdur və heç kim tərəfindən qınaqla qarşılana bilməz. Yaxşı olardı ki, Ermənistan öz hərəkətləri barədə yaxşı-yaxşı düşünsün, əks halda 4 və 44 günlük müharibələrin dərslərini yenidən ala bilər.

Paylaş:

Baxılıb: 718 dəfə