Sevimli ev heyvanı

Bakı:

22 °C

57 %

9 m/s

Əlaqə

AZ RU EN

Ana səhifə / Sosial / Sevimli ev heyvanı

Sevimli ev heyvanı

08.08.2024 [10:06]

Pişiklər haqqında bilmədiklərimiz...

Yeganə BAYRAMOVA

Pişiklər insanlar tərəfindən əhlilləşdirilən yeganə asosial heyvandır. Çoxları tənha və müstəqil hesab edilsə də, insanlarlamöhkəm bağlar qura bilirlər. Görünür, bu heyvanlar insanlaraqarşı qarışıq hisslər keçirirlər. Belə ki, bir tərəfdən bizimləyaşadıqları minlərlə il ərzində insanlara çox bağlanıblar, digər tərəfdən isə istənilən pişik öz başının çarəsinə baxa bilir və sahibinin qayğısına ehtiyac duymur. 9 min il əvvəl pişikləri ilk dəfə əhlilləşdirənlər Yaxın Şərqdə fermerlər olub. Sonra isə Qədim Misirdən olan pişiklər tacirlərlə birlikdə müxtəlif ölkələrə gəmilərdə səyahət etməyə başladılar. Bu gün pişiklər Antarktidadan başqa bütün qitələrdə yaşayırlar.

Pişiklər tək qalarsa...

Pişiklər sahibləri ilə bağlar yaradan varlıqlardır. Onlar tək qaldıqda stress və narahatlıq yaşaya bilərlər. Buna görə də sahibini gözdən qaçırmamağa çalışır və hər yerdə onun arxasınca gedirlər. Bu davranış xüsusilə tərk edilmiş və ya keçmişdə travma keçirmiş pişiklərə aiddir.

22 il öncə...

Avqustun 8-i Ümumdünya Pişik Günüdür. Bu günün qeyd edilməsi Beynəlxalq Heyvanlara Qayğı Fondunun (IFAW) təşəbbüsü ilə başladılıb və 2002-ci ildən bəri hər il qeyd olunur. Məqsəd sığınacaqlarda qayğıya ehtiyacı olan, ağır yaşayış şəraiti ilə mübarizə aparan və zorakılığa məruz qalan pişiklər haqqında insanları məlumatlandırmaqdır.

Eşitmə qabiliyyəti insanlardan çoxdur

Ümumdünya Pişik Günündə fürsətdən istifadə edib pişiklərlə əlaqədar bir çox maraqlı məqama diqqət yetirək. Pişiklərin burun izləri insanın barmaq izləri kimi unikaldır və hər pişik fərqlidir. Kürk rəngləri və naxışları genetik faktorların birləşməsinin nəticəsidir. Eşitmə qabiliyyətiinsanlardan daha çox inkişaf etmişdir. Onlar ultrasəs səsləri eşidə bilirlər.

Xüsusi yeriş tərzi var ki, bu da onlara yavaş və sakit yeriməyə imkan verir. Gözlərini qırpmaqla ünsiyyət qurabilirlər. Göz qırpmaq sizin rahat və mehriban olduğunuza işarədir. Bəzi pişiklər suda üzməyi və su ilə oynamağı xoşlayırlar. Ancaq bir çox pişik sudan qaçır və islanmağı sevmir.

Başqa heyvanlarla dostluq...

Günəşdən və isti yerlərdən həzz almağı sevirlər. Bu səbəbdən onlar tez-tez günəşli pəncərələrdə və ya isti yerlərdə yatırlar. Öz növlərindən başqa digər heyvanlarla, məsələn, itlər və hətta quşlarla dostluq edə bilərlər.

Titrəyiş tükləri...

Pəncələri təkcə ovlarını tutmaq və cızmaq üçün deyil, həm də bədən tarazlığını qorumaq üçün vacibdir. Pişiklərin quyruqları onlara emosional vəziyyətlərini ifadə etməyə kömək edir. Məsələn, sürətlə qaçmaq narahatlıq və ya qəzəb əlamətidir.

Bədəndəki titrəyiş tükləri onlara yaxınlaşan təhlükəni hissetməyə kömək edir. Bu titrəmələr onların hisslərini stimullaşdırır. İnsanlar kimi tərləmə qabiliyyəti yoxdur. Onlar ağızlarını açır və temperaturu idarə etmək üçün nəfəs alırlar.

Paylaş:

Baxılıb: 522 dəfə