“Bakı-2015” ilə Fransanın “L’Equipe 21” televiziya kanalı arasında yayım haqqında saziş imzalanıb

Bakı:

9 °C

87 %

1 m/s

Əlaqə

AZ RU EN

Ana səhifə / İdman / “Bakı-2015” ilə Fransanın “L’Equipe 21” televiziya kanalı arasında yayım haqqında saziş imzalanıb

“Bakı-2015” ilə Fransanın “L’Equipe 21” televiziya kanalı arasında yayım haqqında saziş imzalanıb

05.11.2014 [09:50]

Noyabrın 4-də “Bakı-2015” ilk Avropa Oyunları ilə Fransanın “L’Equipe 21” televiziya kanalı arasında yayım haqqında saziş imzalanıb.
“Bakı-2015”dən AzərTAc-a bildiriblər ki, sazişə əsasən, ilk Avropa Oyunları “L’Equipe 21” kanalı, eyni zamanda, onun veb-saytı və mobil platformaları vasitəsilə Fransada birbaşa yayımlanacaq. Telekanal “Bakı-2015” Avropa Oyunlarının açılış və bağlanış mərasimlərinin birbaşa yayımını həyata keçirəcək. Eyni zamanda, yarışlardan hər gün 5 saatlıq birbaşa nümayiş və gündəlik ən maraqlı məqamların axşam yayımını təmin edəcək.
“Bakı-2015” Avropa Oyunları Əməliyyat Komitəsinin əməliyyatlar üzrə baş direktoru Saymon Kleq deyib: “Bu saziş qitənin hər yerində azarkeşlərin öz ölkələrinin idmançılarının çıxışlarını izləyə bilmələrinə imkan yaradacaq. Biz Avropanın ən böyük dövlətlərindən biri olan Fransanın “Bakı-2015” Oyunlarına təqribən 250 idmançıdan ibarət güclü komanda göndərəcəyini gözləyirik. Fransadakı idman azarkeşlərinin evlərində oturub bütün yarışları izləyəcəklərini bilmək çox xoşdur. “L’Equipe 21” idman kanalıdır. Kanalın “Bakı-2015” ilk Avropa Oyunlarında iştirak edəcək elit idmançıları, eləcə də yarışları yüksək keyfiyyətlə nümayiş etdirəcəyinə inanırıq”.
“L’Equipe 21” televiziya kanalının baş meneceri Xavyer Spender isə sazişlə bağlı fikirlərini bölüşərkən bildirib: “Bakı-2015” Avropa Oyunları beynəlxalq idman təqviminə mühüm hadisə kimi yazılacaq. Bu baxımdan birinci Avropa Oyunlarının Fransada yayımlanmasına görə məsuliyyət daşıdığımız üçün çox şadıq. Bir idman tədbiri kimi bu, Oyunlara dünyanın hər yerində böyük maraq oyadacaq. Fəxr edirik ki, Oyunların Fransadakı bütün tamaşaçılar üçün canlı yayımlanmasına öz töhfəmizi verə biləcəyik”.
“L’Equipe 21” kanalı, həmçinin “Bakı-2015” Avropa Oyunlarının başlanmasına 100 gün qalması ilə bağlı xüsusi proqram yayımlayacaq. Fransa Milli Olimpiya Komitəsinin nəşri olan “Esprit Bleu” da Avropa Oyunlarına hazırlaşan idmançılar barədə həftəlik hesabat təqdim edəcək.
Fransa Milli Olimpiya Komitəsinin prezidenti Denis Messeqliya deyib: “2012-ci ildən media tərəfdaşımız olan “L’Equipe 21” kanalı ilə “Bakı-2015” arasında azarkeşlərimizin birinci Avropa Oyunlarını birbaşa izləmələrinə imkan yaradacaq sazişin imzalanmasından çox məmnunuq. “Bakı-2015” Avropa Oyunlarında yarışmaq üçün güclü komanda göndərəcəyik. Komandanın göstərəcəyi cəhdləri və əldə edəcəyi nailiyyətləri Fransadakı azarkeşlərin birbaşa izləyə bilməsi yaxşı haldır”.
Əsası 1998-ci ildə qoyulan və Fransa Milli Olimpiya Komitəsinin rəsmi yayım tərəfdaşı olan “L’Equipe 21” kanalı bütün il boyu idman nümayişlərini birbaşa yayımlayır.

Paylaş:

Baxılıb: 1311 dəfə