Azərbaycan gəncliyi yüksək inkişaf mərhələsini yaşayır

Bakı:

12°C

87%

0m/s

Əlaqə

AZ RU EN

Ana səhifə / YAP xəbərləri / Azərbaycan gəncliyi yüksək inkişaf mərhələsini yaşayır

Azərbaycan gəncliyi yüksək inkişaf mərhələsini yaşayır

02.02.2012 [13:09]

YAP Gənclər Birliyinin Qarabağ bölgəsini təmsil edən gənclərlə görüşü keçirilib
Dünən 2 fevral Gənclər Günü münasibətilə Yeni Azərbaycan Partiyasının (YAP) Gənclər Birliyinin Ağdam rayonunun Quzanlı qəsəbəsində Qarabağ bölgəsini təmsil edən gənclərlə görüşü keçirilib. Tədbirdə YAP Gənclər Birliyinin sədri Seymur Orucov, sədr müavinləri Samirə Quliyeva və Aytac Əliyeva, partiyanın Gənclər Birliyinin mərkəzi ofisinin rəhbəri Sərraf Hüseynov, YAP-ın Ağcabədi, Bərdə, Yevlax, Goranboy, Tərtər, Laçın, Füzuli rayon təşkilatlarının rəhbərləri və gənclər birliyinin sədrləri, eləcə də bölgənin fəal gəncləri iştirak ediblər.
Görüş iştirakçıları əvvəlcə ümummilli lider Heydər Əliyevin abidəsini ziyarət edərək Ulu öndərimizin əziz xatirəsini dərin ehtiramla yad ediblər. Ağdam Dövlət Dram Teatrının binasında keçirilən tədbiri YAP Ağdam rayon təşkilatının sədri İskəndər Quliyev açaraq ölkəmizdə uğurlu gənclər siyasətinin həyata keçirildiyini bildirib. O qeyd edib ki, Azərbaycan gəncliyinin həyatına Gənclər Günü ən xoş hadisələrdən biri kimi daxil olub: “Bu il Gənclər Günü həm də müstəqil respublikamızın həyatında baş verən, yadda qalan hadisələrlə zəngin olan bir dövrə təsadüf edir. Bu gün həmçinin, bizim üçün ikiqat sevincli və əlamətdardır ona görə ki, Gənclər Gününü məhz sizinlə, hörmətli qonaqlarla, bütün qarabağlı gənclərlə birlikdə qeyd edirik. Ulu öndər Heydər Əliyev demişdir: “Azərbaycan gəncliyi sağlam, vətənpərvər, milli köklərə bağlı, demokratik düşüncə tərzinə yiyələnərək böyüməli və yetişməlidir”. Ulu öndərimiz həmin prinsipləri xüsusi vurğulamaqla hər kəsə aydın şəkildə başa salırdı ki, xalqın və dövlətin gələcəyi gənc nəslin məhz bu dəyərlər əsasında formalaşmasından asılıdır”.
Daha sonra ötən il Ağdam rayonunda gənclər sahəsində görülən işlərlə bağlı videomateral nümayiş etdirilib.
YAP Ağdam rayon təşkilatı Gənclər Birliyinin sədri Amil Cavadov çıxışında qeyd edib ki, Azərbaycan gəncləri dövlətimizin diqqət və qayğısını hər zaman öz üzərində hiss edir: “Odur ki, gənclərimiz müstəqil respublikamızın daha da çiçəklənməsində və inkişafında habelə içtimai-siyasi həyatında daima yaxından və fəal iştirak edirlər”.
A.Cavadov YAP-ın gənclərlə bağlı siyasətinin gənc nəsil tərəfindən yüksək qiymətləndirildyini bildirib. Onun sözlərinə görə, partiyanın Gənclər Birliyinin həyata keçirdiyi layihələri gənclərimiz təqdir edir.
YAP Füzuli rayon təşkilatının sədri Almaz Həşimova çıxış edərək Azərbaycanda dövlət gənclər siyasətinin əhəmiyyətini vurğulayıb. O bildirib ki, bu gün ölkəmizdə həyata keçirilən siyasətin önəmli tərkib hissəsini məhz gənclər siyasəti təşkil edir. “Bu gün biz məcburi köçkün həyatı yaşayırıq. Amma gənclərimiz sabaha inamını itirmir. Onlar torpaqlarımıza qayıdacaqlarına inanır və öz yurdlarımızı işğalçılardan azad etmək üçün hər an döyüşməyə hazırdırlar” - deyə YAP Füzuli rayon təşkilatının sədri vurğulayıb.
YAP Gənclər Birliyinin sədri Seymur Orucov görüşdə çıxış edərək Azərbaycan dövlətinin gəncliyimizə olan diqqət və qayğısından ətraflı bəhs edib. 2 fevral Gənclər Günü münasibətilə Qarabağ bölgəsini təmsil edən gəncləri təbrik edən S.Orucov bildirib ki, ölkə Prezidenti, Yeni Azərbaycan Partiyasının Sədri İlham Əliyevin siyasətində gənclərlə iş xüsusi yer tutur. Gənclərlə bağlı bir sıra proqramların həyata keçirildiyini xatırladan YAP Gənclər Birliyinin sədri ölkə başçısı tərəfindən ötən il imzalanmış “Azərbaycan gəncliyi 2011-2015-ci illərdə” Dövlət Proqramının böyük əhəmiyyətə malik olduğunu vurğulayıb: “Bu sənədin təsdiq olunması bir daha Azərbaycanda uğurlu gənclər siyasətinin həyata keçirildiyini əyani şəkildə sübut edir. Əsası ümummilli liderimiz Heydər Əliyev tərəfindən qoyulan bu siyasət nəticəsində Azərbaycan gəncliyi yüksək inkişaf mərhələsini yaşayır. Ulu öndərimizin müəyyənləşdirdiyi gənclər siyasəti Prezident İlham Əliyev tərəfindən uğurla davam etdirilir. Bu siyasət, eyni zamanda, müasir dövrün tələblərinə və reallıqlarına uyğun olaraq mahiyyət və keyfiyyətcə yeni bir mərhələyə qədəm qoyub. Prezident İlham Əliyevin rəhbərliyi ilə ölkəmizdə həyata keçirilən siyasətin başlıca istiqamətlərindən biri də gənclərə dövlət dəstəyinin gücləndirilməsindən, onlara hərtərəfli diqqətin göstərilməsindən ibarətdir. Məhz bunun nəticəsidir ki, son illər respublikamızda həyata keçirilən tədbirlər gənclərin hərtərəfli inkişafının təmin olunması üçün siyasi, sosial-iqtisadi, təşkilati - hüquqi şərait və təminatların yaradılmasını sürətləndirib, onların ictimai-siyasi fəallığının artmasına kömək edib. Bu gün ölkəmizdə gənclər siyasəti dövlət siyasətinin mühüm tərkib hissəsinə çevrilib. Azərbaycan gəncliyi ictimai həyatın bütün bölmələrində aktiv fəaliyyəti ilə seçilir, gənclərimiz siyasi, iqtisadi, humanitar, sosial tədbirlərin həyata keçirilməsində mühüm rol oynayırlar”.
YAP Gənclər Birliyinin ölkəmizdə ən böyük və güclü gənclər təşkilatı olduğunu deyən S.Orucov partiyamızın sıralarında yüksək intellektli gənclərin birləşdiyini diqqətə çatdırıb. O, partiya tərəfindən gənclərə öz bilik və bacarıqlarını nümayiş etdirmək üçün bütün imkanların yaradıldığını qeyd edib. S.Orucov gəncləri partiyanın Gənclər Birliyinə yeni layihələr və təkliflər təqdim etməyə çağırıb.
Ağdam rayon İcra Hakimiyyətinin başçısı Nizami Sadıqov isə çıxışında 2 fevral Gənclər Günü münasibətilə tədbir iştirakçılarını təbrik edib və gənclərə fəaliyyətlərində uğurlar arzulayıb. N.Sadıqov bildirib ki, Ağdam rayonunda gənclər bu bayramı yüksək əhval-ruhiyyə ilə qarşılayır. İcra başçısı dövlət gənclər siyasətinin Ağdam rayonunda da yüksək səviyyədə həyata keçirildiyini bildirib.
Tədbirdə həmçinin, gənc nəsli vətənə, dövlətə və dövlətçiliyə məhəbbət ruhunda haraylayan “Sən ellərin İlhamısan” və “O, kənd bizim kəndimizdir” adlı videokliplər nümayiş etdirilib. Eyni zamanda, görüş iştirakçıları Ağdam “Şur” ansambılının hazırladığı “Mahuri Hindi” muğamının məşqinə tamaşa ediblər.
Bununla yanaşı, görüşdə YAP sıralarına yeni qoşulmuş ağdamlı gənclərə partiya vəsiqələri təqdim olunub. Sonda tədbir iştirakçıları adından Azərbaycan Prezidenti, Yeni Azərbaycan Partiyasının Sədri İlham Əliyevə müraciət qəbul edilib.
Nardar BAYRAMLI

Paylaş:

Baxılıb: 1219 dəfə