Paşinyan Baydenin “demokratiya dərsi”nin “tələbəsi” olacaq

Bakı:

26 °C

53 %

5 m/s

Əlaqə

AZ RU EN

Ana səhifə / Analitik / Paşinyan Baydenin “demokratiya dərsi”nin “tələbəsi” olacaq

Paşinyan Baydenin “demokratiya dərsi”nin “tələbəsi” olacaq

12.11.2021 [10:25]

Ermənistanın baş naziri virtual məktəbdən nə öyrənə bilər?

ABŞ prezidenti Co Baydenin 2021-ci ilin dekabrında keçirəcəyi virtual “demokratiya sammiti”nin “qonaqları” arasında Ermənistanın baş naziri Nikol Paşinyanın da olması bəzi suallar doğurur. Ağ Ev bu sammitlə bağlı açıqlamasında bildirmişdi ki, dekabrın 9 və 10-da baş tutacaq tədbir üç əsas mövzu üzrə öhdəliklərin və təşəbbüslərin stimullaşdırılmasına xidmət edəcək: avtoritarizmdən qorunmaq, korrupsiya ilə mübarizə və insan hüquqlarına hörməti təşviq etmək.

Ermənistanın bugünkü mənzərəsi isə virtual sammitin mövzularının tam əksini göstərir. Bu ölkədə artıq uzun illərdir ki, korrupsiya adi həyat tərzindən fərqlənmir. İnsan hüquq və azadlıqları isə Ermənistanda tanınan və “hörmət edilən” ən sonuncu normadır. İrəvan küçələrində sosial böhranda boğulan insanların etirazları polis zorakılığının və dəyənəyinin altında əzilməkdədir. Demokratiyadan isə... danışmağına dəyməz. Ən azından həbsdə olan siyasilərin sayı bunu deməyə əsas verir.

Bir sözlə, Paşinyanın bu sammitə bir dövlətin rəsmi təmsilçisindən, “demokratik dünyanın hissəsinin” nümayəndəsindən çox dərsə ehtiyacı olan tələbə qismində qatılacağına şübhə yoxdur. Məhz bu nöqteyi-nəzərdən də həmin sammitə Azərbaycanın və Türkiyənin qatılmaması anlaşılandır. Çünki müasir Azərbaycan dövləti hər zaman insan hüquq və azadlıqlarının qorunmasında, tolerantlığın, multikulturalizmin təbliğində və təşviqində, eləcə də korrupsiyaya qarşı mübarizədə nümunəvi ölkələrdən sayılıb. Günümüzün mühüm siyasi aktorlarından sayılan Türkiyə də demokratik ənənələrə sadiqliyini hər zaman nümayiş etdirməkdədir.

Bəli, Paşinyanın belə bir dərsə ehtiyacı var və ABŞ prezidenti Bayden də bunu bildiyi üçün onu “qonaqlar siyahısı”na əlavə edib. İkinci bir tərəfdən, bu gün Cənubi Qafqaz regionuna yeni bir nizam gətirmiş Azərbaycan-Türkiyə birliyi dünya üçün yeni iqtisadi əsaslar formalaşdırır. Bu, olduqca mühüm bir nüansdır. Nəinki ABŞ, dünyanın digər aparıcı dövlətləri də fürsət düşdükcə bunu etiraf edirlər. Azərbaycan qlobal dünyanın sivilizasiyalararası dialoq məkanı statusunda çıxış edir. Ölkəmiz beynəlxalq tədbirlərə ev sahibliyi etməklə mühüm problemlərin məhz Azərbaycan paytaxtında müzakirə edilməsinə nail olur. Rəsmi Bakının qlobal pandemiya dövründəki nümunəvi davranışı, digər dövlətlərə yardım etməsi və bu bəlaya qarşı beynəlxalq mübarizənin təşkilində əsaslı rolu əsl reallıqları növbəti dəfə hər kəsə nümayiş etdirdi: Azərbaycan inkişaf etmiş, beynəlxalq müstəvidə öz sözü və çəkisi ilə tanınan, gücünə, qətiyyətinə arxayın və demokr?tik inkişaf yolu seçmiş bir dövlətdir. Həm Azərbaycanın, həm də Ermənistanın müasir müstəqillik tarixi eyni olsa da, gedilən yol fərqlidir. Ötən 30 ildə Ermənistan hələ də “demokratiya dərsi alacaq”, el dili ilə desək bir düyü dənəsi boyda yol qət edibsə, Azərbaycan ötən 30 ildə BMT Təhlükəsizlik Şurasına, Qoşulmama Hərəkatına sədrlik edəcək, regionun əsas güc mərkəzi qismində çıxış edəcək qədər yol gedib. Təbii ki, bu yolda xalqının, dövlətinin gələcəyinə işıq salan Lider də mühüm əhəmiyyət kəsb edir. Bunun nəticəsidir ki, ötən 30 ildə köçəryanların, sarkisyanların və paşinyanların arxasınca sürünən Ermənistan hələ də “demokratiya dərsi”nə ehtiyac duyur...

P. İsmayılov

Paylaş:

Baxılıb: 1063 dəfə