SEPAH ittiham olunur...
03.06.2023 [11:20]
Terror qrupu ABŞ-ın keçmiş dövlət katibinə sui-qəsd hazırlayıbmış
ABŞ Maliyyə Nazirliyi növbəti dəfə İran İslam İnqilab Keşikçiləri Korpusuna və İnqilab Keşikçiləri Qvardiyasının Qüds Gücünə bağlı şəxslərə qarşı yeni sanksiyalar tətbiq etdiyini açıqlayıb. Bu barədə ABŞ Maliyyə Nazirliyinin rəsmi saytında məlumat verilib. Bildirilib ki, ABŞ Qüds Gücü ilə əlaqəli 3 şəxs, 1 şirkət və SEPA Kəşfiyyat Təşkilatının 2 yüksək vəzifəli rəsmisini sanksiyalar siyahısına əlavə edib. Bayden administrasiyası keçmiş milli təhlükəsizlik müşaviri Con Bolton və keçmiş dövlət katibi Mayk Pompeoya qarşı xaricdə sui-qəsd hazırlamaqda ittiham olunan İran İslam İnqilabı Keşikçiləri Korpusu (SEPAH) rəsmilərinə qarşı sanksiyalar tətbiq edib.
İstanbulda jurnalistlərə və İsrail vətəndaşlarına qarşı sui-qəsd planları
Sanksiyalar İran dissidentlərinə və ABŞ-da, Orta Şərqdə, Avropada, Afrikadakı qeyri-İran vətəndaşlarına qarşı kəşfiyyat və ölümcül əməliyyatların planlaşdırılması daxil olmaqla xaricdə gizli əməliyyatlar həyata keçirmək vəzifəsi daşıyan SEPAH-Qüds Qüvvələrinin bir bölməsinin rəsmisi Məhəmməd Rza Ənsarini hədəf alıb.
“Ənsari İran vətəndaşı Şəhram Poursafinin dəstəyi ilə ABŞ-ın iki keçmiş dövlət məmuruna sui-qəsd planlaşdırıb”- deyə Maliyyə Nazirliyi bildirib.
Yeni sanksiyalar həmçinin ikili İran və Türkiyə vətəndaşlığı olan Hüseyn Hafez Əminiyə də aid edilib.
Sanksiyalar siyahısına həmçinin İran İslam İnqilabı Keşikçiləri Korpusunun Kəşfiyyat Təşkilatının iki yüksək rütbəli məmurunu, Rouhallah Bazgandi və Reza Seraj da salınıb. Məlumata görə, Bazgandi İraq və Suriyada IRGC-IO əməliyyatlarını, habelə İsrail vətəndaşlarına qarşı sui-qəsdi planlaşdırmaq və nəzarət etməkdə ittiham olunur. “Bazgandi İstanbulda jurnalistlərə və İsrail vətəndaşlarına qarşı sui-qəsd planlarında da iştirak edib” - məlumatda qeyd olunub.
4 yüksək rütbəli məmur da sanksiyaya məruz qalmışdı...
Xatırladaq ki, bir neçə ay öncə də ABŞ Maliyyə Nazirliyi SEPAH-ı sanksiyalar siyahısına salmışdı və bununla əlaqədar ABŞ hökuməti SEPAH Kəşfiyyat Təşkilatının Ruhullah Bazqəndi, Məhəmməd Kazemi, Məhəmməd Məhdi Səyyari və Məhəmməd Hasan Mühqqiqi adlı dörd yüksək rütbəli məmurunu İslam Respublikasının sanksiya tətbiq edilən rəsmiləri siyahısına əlavə etmişdi. Həmin dövrdə bu addım İranın Oman körfəzində kommersiya gəmisinin saxlamasına cavab kimi qiymətləndirilmişdi. Qeyd edək ki, aprelin 27-də Marşal Adaları bayrağı ilə Oman körfəzində, beynəlxalq sularda üzən “Advantage Sweet” adlı neft tankeri İranın İslam İnqilabı Keşikçiləri Korpusu (SEPAH) donanması tərəfindən saxlanılmışdı.
Ümumiyyətlə, SEPAH bütövlükdə beynəlxalq aləm tərəfindən terror təşkilatı kimi tövsif olunur. Bu təşkilat ötən ildən Avropa İttifaqının (Aİ) terror təşkilatları siyahısında da özünə yer tapıb. 1979-cu ildə yaradılan SEPAH-ın adı son illərdə “milyardlarla dollarlıq işlər”də hallanır. Hətta “imperiyaya” çevrildiyi iddia olunan SEPAH verilən məlumatlara görə, İran Milli Neft Şirkəti ve İmam Rıza Fondu’ndan sonra “İranın üçüncü ən varlı təşkilatıdır. SEPAH dünyanın bir sıra ölkələrində hərbi toqquşmalarda da iştirak edib. Məsələn, SEPAH Suriya vətəndaş müharibəsində Bəşər Əsədin tərəfində döyüşüb.
8 oktyabr 2015-ci ildə SEPAH generalı Hüseyn Həmədani Hələb yaxınlığında öldürülüb. Həmin il oktyabrın 12-də korpusun yüksək rütbəli hərbi rəhbərləri general-mayor Fərşad Xasunizadə və briqada generalı Həmid Möhtərbənd Suriyada gedən döyüşlərdə həyatını itirib. Bundan başqa, Suriyada İİKK-nın Fatemiyun diviziyasının briqada generalı Rza Xavəri də öldürülən generalların siyahısındadır.
SEPAH-ın himayəsindəki terror şəbəkəsi...
SEPAH həmçinin bir sıra ölkələrdə terroru stimullaşdırmaqda ittiham edilir. İnqilab Keşikçiləri Qvardiyasının Qüds Gücü, Suriyadakı Hizbullah təşkilatı, Yəməndəki və bir sıra başqa ölkələrdəki destruktiv qüvvələrin adı məhz SEPAH-la yan-yana çəkilir. İran Mərkəzi Bankı vasitəsilə “Qüds Qüvvələri” və “Hizbullah qruplaşması”na milyonlarla dollar məbləğində vəsait yönləndirildiyi müəyyən edilib. İran adına törədilən terror aktlarının əksəriyyəti isə “Hizbullah” və “HƏMAS” tərəfindən təşkil edilir, SEPAH onlara dəstək verir. Amma faktlar göstərir ki, terror aktlarının planlaşdırılması və gerçəkləşdirilməsi üçün İranın bütün mərkəzi dövlət qurumları əlaqələndirilmiş formada çalışır, vahid bir mexanizm halında birləşirlər. Məsələn, 1989-cu ilin iyul ayında Vyanada tərədilmiş terror aktının icraçıları Avstriya ərazisinə İran diplomatik xidmətlərinin pasportlarından yararlanaraq daxil olmuşdular.
1979-cu ildən etibarən, İranda dövlət maraqlarının təmin edilməsi üçün terror aktlarından istifadəyə rəsmən razılıq verilib. ABŞ Dövlət Departamenti tərəfindən tərtib edilən, “Beynəlxalq qanunları pozan İran rejiminin dağıdıcı hərəkətlərinin tarixi” adlı hesabatda göstərilir ki, İran hər il Suriya, Yəmən və İraqda terror aktlarının gerçəkləşdirilməsi üçün ən azı 16 milyard dollar vəsait xərcləyir.
Son 25 il ərzində isə İranla bağlı qanlı terror aktlarının sayı artıb - səbəb bu ölkənin bəşəriyyətin tərəqqisi üçün kəşf edilmiş modern texnologiyaları oğurlayaraq, onları terror aktlarının törədilməsi üçün istifadə etməyə başlamasıdır. Beynəlxalq hesabatlarda qeyd edilir ki, İranın kiber təhlüksizlik təsisatları (İKK) tərəfindən dünyanın nüfuzlu universitetlərinə hər il yüzlərlə kiberhücumlar təşkil edilir və onların intellektual mülkiyyətləri oğurlanır. Məsələn, 2018-ci ildə Belçika, Fransa, Almaniyada İran agentlərinin kütləvi toplanış məntəqələrində müasir texnologiyalardan yararlanmaqla təxribatlar törətmək planları aşkarlanıb və qarşısı alınıb. Həbs edilmiş İran agentlərinin istintaqı zamanı bu yöndə ciddi faktlar ortya çıxıb. 2018-ci ildə Almaniyada xüsusi qorunan ofislərə şübhəli təmas edən 10 nəfər saxlanılıb. Onların SEPAH agentləri olduğu sübut edilib. 2013-cü ildə Bosniya və Herseqovinada iki nəfər “iranlı diplomat” saxlanılıb. Onların casusluq və terrorla əlaqələri sübuta yetirilib. 2012 ildə Türkiyədə dörd SEPAH agenti saxlanılıb. Onlar İsrailə bağlı hədəflərinə hücum etmək üçün Türkiyədən yararlanmaq istəyiblər. İndiki halda Almaniyanın timsalında isə zəhərli maddələrdən istifadə etmək arzusu isə İranın bu təhlükələri davam etdirməkdən çəkinmədiyinin göstəricisidir.
MƏNSUR
Xəbər lenti
Hamısına bax
Müsahibə
16 İyun 16:30
Siyasət
16 İyun 16:22
YAP xəbərləri
16 İyun 15:50
Elanlar
16 İyun 15:34
Sosial
16 İyun 15:19
Siyasət
16 İyun 14:55
Sosial
16 İyun 14:37
Dünya
16 İyun 14:22
Siyasət
16 İyun 14:09
Siyasət
16 İyun 14:07
Gündəm
16 İyun 14:05
Sosial
16 İyun 13:03
Elm
16 İyun 12:59
Sosial
16 İyun 12:31
İqtisadiyyat
16 İyun 12:30
Elm
16 İyun 11:33
Sosial
16 İyun 11:15
Müsahibə
16 İyun 10:54
Dünya
16 İyun 10:43
Gündəm
16 İyun 10:41
Gündəm
16 İyun 10:30
Sosial
16 İyun 10:29
Dünya
16 İyun 10:19
Dünya
16 İyun 09:47
Dünya
16 İyun 09:20
Dünya
16 İyun 08:52
Hadisə
16 İyun 08:34
Dünya
15 İyun 23:36
Hadisə
15 İyun 23:03
Siyasət
15 İyun 22:20
YAP xəbərləri
15 İyun 21:46
Dünya
15 İyun 20:18
Siyasət
15 İyun 19:39
Siyasət
15 İyun 19:11
Hərbi
15 İyun 18:00
Dünya
15 İyun 17:42
Dünya
15 İyun 16:20
Dünya
15 İyun 15:33
Dünya
15 İyun 14:18
Siyasət
15 İyun 13:58
Dünya
15 İyun 13:29
Dünya
15 İyun 12:35
Dünya
15 İyun 11:24
Dünya
15 İyun 10:31
Dünya
15 İyun 09:52
Dünya
15 İyun 09:17
Hadisə
15 İyun 08:59
Dünya
15 İyun 08:25
Gündəm
15 İyun 07:54
Dünya
15 İyun 07:35
Gündəm
15 İyun 00:14
Gündəm
14 İyun 23:28
Siyasət
14 İyun 23:16
Xəbər lenti
14 İyun 21:52
Dünya
14 İyun 19:26
Xəbər lenti
14 İyun 18:43
Maraqlı
14 İyun 17:19
Dünya
14 İyun 16:34
Dünya
14 İyun 15:22
Dünya
14 İyun 14:40
Dünya
14 İyun 13:18
YAP xəbərləri
14 İyun 13:00
Hadisə
14 İyun 12:29
Dünya
14 İyun 11:47
YAP xəbərləri
14 İyun 11:40
Dünya
14 İyun 11:35
İdman
14 İyun 10:40
Hadisə
14 İyun 10:09
YAP xəbərləri
14 İyun 09:58
Sosial
14 İyun 09:32
