"Qarabağ" Avropaya səs salıb

Bakı:

10 °C

81 %

4 m/s

Əlaqə

AZ RU EN

Ana səhifə / Siyasət / "Qarabağ" Avropaya səs salıb

"Qarabağ" Avropaya səs salıb

08.08.2009 [15:51]

Ağdam klubu həm meydançada qələbə qazanır, həm də qazandığı qələbə ilə ölkə həqiqətlərini dünyaya yayır
ölkə futbolu tarixində böyük uğura imza atan Ağdamın “Qarabağ” klubu Avropaya səs salmaqda davam edir. Norveçin bütün dünyada məşhur olan “Rusenborq” klubundan sonra, “Qarabağ” bu dəfə Finlandiyanın məşhur “Honka” klubunu məğlub etməyi bacardı. üst-üstə iki mərhələ keçməklə pley-offa vəsiqə qazanmış komandamız bununla da ölkə futbolunda bir ilkə imza atıb.
“Qarabağ”ın qələbəsi məğlub etdiyi klubların məxsus olduğu ölkələrin mətbuatında geniş işıqlandırılır. Ən önəmlisi odur ki, Norveç və Finlandiya mətbuatında “Qarabağ”ın Ağdamı təmsil etdiyi və bu şəhərin erməni işğalı altında olduğu vurğulanır. “Qarabağ” həm meydançada qələbə qazanır, həm də qazandığı qələbə ilə ölkə həqiqətlərini bütün dünyaya yayır. “Qarabağ”ın qazandığı bu qələbədə ölkədə futbola dövlət tərəfindən göstərilən diqqət və qayğı, futbolun inkişafı ilə bağlı qəbul edilən dövlət proqramının payı çox böyükdür. Məhz dövlət proqramının icrası nəticəsində ölkə futbolu dirçəlməyə başlayıb və bu gün Avropa Liqasının pley-off mərhələsində artıq iki Azərbaycan klubu mübarizə aparır. Futbola dövlətin qayğısının daha bir bariz nümunəsi Azərbaycan Respublikasının Prezidenti İlham Əliyevin “Qarabağ” klubunun baş məşqçisi Qurban Qurbanovla telefonla danışaraq komandamızın qazandığı qələbə münasibətilə onu təbrik etməsidir.
Pley-off mərhələsinə vəsiqə qazanan Ağdam klubu iddialarını bir qədər də artırıb. Klubun gənc baş məşqçisi Qurban Qurbanov bildirib ki, “Honka” ilə ilk oyunda qazanılan qələbəyə görə futbolçularda arxayınlıq yaranmamışdı: “İlk görüşdə qələbə qazansaq da, arxayınlaşmamışdıq. Rəqib heç də zəif deyildi və bu səbəbdən biz “Honka” ilə matça ehtiyatla çıxmışdıq. Birinci hissədə futbolçular həyəcanlı idilər. Fasilədə onlarla söhbətimiz oldu. Allaha şükür ki, bunun nəticəsini gördük. Onlar ikinci hissədə oyuna köklənə bildilər. Sevindirici haldır ki, 4 oyunun hamısında 2-ci hissədə fərqli oynadıq. ümumiyyətlə, futbolçularımız möhtəşəm oynadılar”.
Qurban Qurbanov bildirib ki, havanın isti olması da oyuna təsir edib: “İlk hissədə səhvlər çox oldu. Havanın isti olması təsirsiz ötüşmədi. Ancaq ən əsası yenə tarix yazdıq. özü də buna qələbə ilə nail olmağın başqa ləzzəti var. Azarkeşlərə, jurnalistlərə dərin təşəkkürümü bildirirəm. Bizə hər zaman dəstək olursunuz. Uğurlarımızda hamınızın payı var”.
“Honka”nın baş məşqçisi Mika Lekosuo isə bildirib ki, Ağdam klubu şanslardan daha yaxşı istifadə edib: “Məncə biz pis oynamadıq. Rəqib bizimlə müqayisədə şanslardan daha yaxşı yararlandı. Yaxşı oynasaq da, məğlub olduq. Futbolda belə hallar olur. Meydana qələbə üçün çıxmışdıq. Amma alınmadı. Təəssüf ki, istəyimizə nail ola bilmədik”.

Paylaş:

Baxılıb: 1208 dəfə