Qubadlı əməliyyatı - xüsusi peşəkarlıq və fədakarlıq mücəssiməsi

Bakı:

27 °C

36 %

5 m/s

Əlaqə

AZ RU EN

Ana səhifə / YAP xəbərləri / Qubadlı əməliyyatı - xüsusi peşəkarlıq və fədakarlıq mücəssiməsi

Qubadlı əməliyyatı - xüsusi peşəkarlıq və fədakarlıq mücəssiməsi

25.10.2022 [12:24]

Qubadlı rayonu tarixən Zəngəzur mahalının tərkibində olmuş qədim tarixi-etnoqrafik bölgələrdən biridir. Ötən əsrdə Qubadlı dəfələrlə Еrməni işğalçı qüvvələrinin hücumlarına məruz qalmış, kəndləri yandırılmış, dinc əhaliyə divan tutmuşdur. Bununla bеlə bütün çətinliklərə və əzab-əziyyətlərə baхmayaraq hər dəfə işğalçı еrməni qoşunları torpaqlarımızdan qovulmuş, yaşayış məntəqələri və müvafiq infrastruktur bərpa еdilmişdir.

1988-ci ildən başlayaraq Еrmənistanla və Qarabağla sərhəddə yеrləşən Qubadlı rayonuna hər iki tərəfdən təcavüzkar hücumlar başlanmış, dinc əhaliyə qarşı tеrror törədilməsi sistеmli şəkildə davam еtdirilmişdir. 1993-cü ilin 31 avqust tarixində Qubadlı rayonu Ermənistan Silahlı Qüvvələri tərəfindən tamamilə işğal edilmişdi. İşğal müddətində Qubadlı şəhəri və rayonun kəndləri ermənilər tərəfindən dağıdılıb, tarixi, dini, mədəni abidələr, qəbiristanlıqlar məhv edilərək vandallıq əməlləri törədilmişdir. Erməni barbarları Qubadlının zəngin təbiətinə, flora və faunasına qarşı da ekoloji terror törədib, meşələri, nadir ağac və bitki növlərini qırıb, yandırmışdır.

Müzəffər Ali Baş Komandanın rəhbərliyi altında Rəşadətli Azərbaycan Ordusunun 27 sentyabr 2020-ci il tarixində başladığı əks-hücum hərbi əməliyyatlar nəticəsində 2020-ci il oktyabrın 25-də Qubadlı rayonu işğaldan əbədi olaraq azad edildi. Azərbaycan Ordusu digər şəhər və rayonlarımız kimi Qubadlı şəhərinin də işğaldan azad edilməsi uğrunda bir neçə gün şiddətli döyüşlər aparaq düşmənin müqavimətini qırmış, onu geri çəkilməyə məcbur edərək, ağır məğlubiyyətə uğratmışdır. Baxmayaraq ki, ermənilər şəhərdə güclü istehkamlar qurmuşdular, qəhrəman oğullarımızın sayəsində Qubadlı əməliyyatı zamanı Ermənistan ordusunun xeyli canlı qüvvəsi və texnikası məhv edilmişdir.

Həçminin deyə bilərik ki, Vətən müharibəsinin gedişatında 25 oktyabr tarixi əhəmiyyətli dönüş nöqtəsi oldu. Belə ki, Qubadlını azad etmək üçün, ilk növbədə, yüksəkliklər götürülməli idi. Çünki düşmən bu yüksəkliklərdən müntəzəm olaraq hərbçilərimizə atəş açırdı. Məhz Azərbaycan Ordusu xüsusi peşəkarlıq və fədakarlıq göstərərək, ilk növbədə şəhərə hakim olan yüksəkliklər götürdü, daha sonra ətrafda yerləşən kəndləri ələ keçirdilər. Ondan sonra isə oktyabrın 25-də Müzəffər Ordumuz Qubadlı şəhərini düşməndən təmizlədilər.

Onu da qeyd etmək lazımdır ki, Qubadlının azad olunması ilə Azərbaycan Ordusunun Laçın rayonuna yolu açılmış və Silahlı Qüvvələrimiz Laçın dəhlizi istiqamətində irəliləmişdir. Ümumiyyətlə, Qubadlı şəhərinin azad edilməsi böyük Qələbəni yaxınlaşdırdı. Sevindirici haldır ki, bugün Qubadlıda Şanlı bayrağımız dalğalanır. Artıq Qubadlı da digər azad edilmiş rayonlarımız kimi, yeni inkişaf dövrünü yaşayır.

Hazırada Qubadlı rayonunda möhtəşəm yenidənqurma işləri sürətlə həyata keçirilir. Qubadlı rayonunun bütün kəndləri, o cümlədən Qubadlı şəhəri yenidən qurulur. Baş plan artıq hazırdır və ən müasir normalar çərçivəsində Qubadlının təbiəti və tarixi keçmişi memarlığı da nəzərə alınmaqla yenidən qurulacaqdır.

Məlumdur ki, azad edilmiş torpaqlarda artıq yeddi yarımstansiya inşa olunub. Qubadlı da təməli qoyulan infrastruktur layihəsi Qubadlının 2050-ci ilə qədərki inkişaf dinamikasını nəzərə alır. İlkin olaraq inşa olunacaq yarımstansiya 40 meqavata hesablanıb və lazım olarsa, onun gücü iki dəfə artırıla bilər. Eyni zamanda da dördzolaqlı yol Şərqi Zəngəzur iqtisadi rayonundakı rayonlar arasında birləşməni təmin edəcəkdir. İnsanların rahat istifadə edə bilmələri üçün Zəngilandan Qubadlıya, Laçına dördzolaqlı yol çəkilir. Həmçinin bu yol vasitəsilə burada istehsal olunacaq məhsulları bazarlara vaxtlı-vaxtında, itkisiz çatdırmaq üçün əlavə imkanlar yaranacaqdır.

Bir sözlə, ölkə başçısının işğaldan azad edilmiş rayonlara səfərləri bir daha onu göstərir ki, qısa zamanda Qarabağ və Şərqi Zəngəzurda həyata keçirilən quruculuq-abadılıq işləri yüksək səviyyədə yekunlaşacaq və azad olunmuş torpaqlar öz sahiblərini qarşılayacaqdır.

Qubadlı bizimdir, Qarabağ Azərbaycandır !

Natiq Quluzadə

YAP Zəngilan rayon təşkilatının sədri

Paylaş:

Baxılıb: 537 dəfə