Azərbaycan İslam həmrəyliyinə kifayət qədər töhfə verib

Bakı:

27 °C

36 %

6 m/s

Əlaqə

AZ RU EN

Ana səhifə / YAP xəbərləri / Azərbaycan İslam həmrəyliyinə kifayət qədər töhfə verib

Azərbaycan İslam həmrəyliyinə kifayət qədər töhfə verib

05.11.2022 [11:17]

Noyabrın 1-də Əlcəzair Xalq Demokratik Respublikasının paytaxtı Əlcəzair şəhərində Ərəb Dövlətləri Liqasının 31-ci Zirvə toplantısı keçirilib. Azərbaycan Respublikasının Prezidenti İlham Əliyev Zirvə toplantısına ev sahibliyi edən Əlcəzair Xalq Demokratik Respublikasının Prezidenti Abdelmacid Tebbunun dəvəti ilə tədbirin açılış mərasimində Fəxri qonaq statusunda iştirak edib. Zirvə toplantısında regiondakı aktual məsələlərin, xüsusilə Liviya, Suriya, Yəmən, Fələstin böhranı, o cümlədən, ərzaq təhlükəsizliyinin təmin edilməsi, ərəb ölkələri arasında münasibətlərin gücləndirilməsi və bu sahədə layihələrin həyata keçirilməsi məsələləri müzakirə olunub.

Ərəb Dövlətləri Liqası ilə Azərbaycan arasındakı münasibətlərin xüsusi bir inkişaf dinamikası var. 2006-cı ildən Azərbaycan təşkilatın müşahidəçi qismində üzvüdür. Hazırda Azərbaycanın Liqaya daxil ölkələrlə yaxşı münasibətlərinin olması və bu münasibətlərin qarşılıqlı dəstək və həmrəyli çərçivəsində yaxın gələcəkdə daha da inkişaf eməsinə gətirib çıxardacaqdır.

Prezident İlham Əliyev Zirvə toplantısında çıxış edərək Fransanın Əlcəzair xalqına qarşı törətdiyi zorakılığı, kütləvi qəddarlığı dünya heç zaman unutmamalı olduğunu hər kəsin diqqətinə çatdırıb. Fransa yüz ildən çox bir müddət ərzində Əlcəzair xalqına qarşı çox dəhşətli müharibə aparmışdır. Bu müharibə 1,5 milyon əlcəzairlinin ölümü ilə nəticələnmişdir. Bu gün biz bu faciəni anaraq gələcəkdə belə faciələrin qarşısının alınması üçün hər kəs əlindən gələni etməlidir.

Prezident İlham Əliyev Azərbaycanın da Əlcəzair kimi işğaldan əziyyət çəkdiyini və torpaqlarımız otuz il Ermənistanın işğalı altında qaldığını toplantı iştirakçılarının diqqətinə çatdırdı. Azərbaycan bütün bu işğal illəri ərzində hər zaman İslam Əməkdaşlıq Təşkilatına üzv olan dövlətlərin dəstəyini hiss etmişdir. Eyni zamanda Azərbaycan da öz növbəsində bütün beynəlxalq forumlarda müsəlman qardaşlarımıza hər zaman öz dəstəyini ifadə etmişdir. 2017-ci il Azərbaycanda “İslam Həmrəyliyi İli” elan edilmiş və Azərbaycan IV İslam Həmrəyliyi Oyunlarına ev sahibliyi etməklə İslam həmrəyliyinə kifayət qədər töhfə vermişdir. Ölkəmizdə təşkil edilən bu idman tədbiri həmrəylik və dostluq bayramına çevrilmişdir.

Qoşulmama Hərəkatının sədri kimi Azərbaycan beynəlxalq arenada mühüm rol oynayır. Prezident İlham Əliyevin uğurlu və məqsədyönlü siyasəti nəticəsində Azərbaycan təkcə regionun lideri olmaqla bərabər, eyni zamanda artıq dünyada söz sahibi olan ölkələrdən birinə çevrilmişdir. Dünyanın mühüm təşkilatlarından biri Qoşulmama Hərəkatı kimi nüfuzlu beynəlxalq təşkilatın sədri olması və üzərinə düşən missiyanı uğurla yerinə yetirməsi, beynəlxalq təşkilatlarda göstərdiyi qətiyyətli mövqe nəticəsində böyük dövlətlər Azərbaycanla artıq daha sıx tərəfdaşlıq etmək niyyətində olduqlarını bəyan ediblər. Ölkəmizin Qoşulmama Hərəkatında sədrliyi COVID-19 ilə üst-üstə düşdü və Azərbaycan beynəlxalq arenada bu xəstəliklə mübarizədə öz rolunu fəal oynayan ölkələrdən biri idi. 2020-ci ilin əvvəlində COVID-19 pandemiyasına məruz qaldığı dövrdə Azərbaycan Hərəkatda sədrliyinə məsuliyyətlə yanaşaraq pandemiya nəticəsində yaranmış təhdidlərə vaxtında və adekvat cavab verilməsi üçün ciddi səylər göstərdi. Azərbaycan 2020-ci ilin dekabrında COVID-19 ilə mübarizəyə həsr edilmiş BMT-nin Baş Assambleyasının xüsusi sessiyasının keçirlməsinin bir başa təşəbbüskarı oldu. Bütün bu təşəbbüslərin bir ümumi məqsədi var idi - ehtiyacı olan ölkələrə dəstək vermək, resursları səfərbər etmək və peyvəndləri əldə etmək imkanı olmayan ölkələrə dəstək göstərmək. Prezident İlham Əliyev Zirvə toplantısında gələn ilin martında keçirilməsi planlaşdırılan Qoşulmama Hərəkatının Sammitinə Ərəb Dövlətləri Liqasına üzv olan dövlət və hökumət başçılarını iştirak etməyə dəvət etdi.

Prezident İlham Əliyevin Ali Baş Komandanlığı ilə 44 günlük Vətən müharibəsində ordumuzun düşmən üzərində tarixi qələbəsi, eyni zamanda, 30 il ərzində erməni işğalına məruz qalmış Azərbaycan torpaqlarının azad edilməsi ölkəmizi İslam dünyasında aparıcı və lider dövlətlərdən birinə çevirmişdir. Bu baxımdan, dövlətimizin yürütdüyü uğurlu xarici siyasət nəticəsində Azərbaycan İslam və ərəb dünyasında yeni mərhələyə qədəm qoymuşdur. Heç şübhəsiz ki, bu müdrik siyasət müxtəlif formatlarda dövlətimizin müsəlman və ərəb ölkələri ilə əlaqələrinin inkişafına təkan verəcəkdir.

YAP Naftalan şəhər təşkilatının sədri Rövlan Heydərov

Paylaş:

Baxılıb: 515 dəfə