Özbəkistanın "Kamolot" İctimai Hərəkatının üzvləri Heydər Əliyev Fondunda olublar

Bakı:

23 °C

64 %

1 m/s

Əlaqə

AZ RU EN

Ana səhifə / Siyasət / Özbəkistanın "Kamolot" İctimai Hərəkatının üzvləri Heydər Əliyev Fondunda olublar

Özbəkistanın "Kamolot" İctimai Hərəkatının üzvləri Heydər Əliyev Fondunda olublar

03.07.2009 [10:27]

özbəkistan gənclərinin “Kamolot” İctimai Hərəkatının üzvləri dünən Heydər Əliyev Fondunda olublar.
Qonaqlara ümummilli lider Heydər Əliyevin xatirəsinə ehtiram əlaməti olaraq yaradılan Fondun məqsədləri, çoxşaxəli fəaliyyəti, Ulu öndərin şəxsi arxivindən götürülən eksponatlar haqqında ətraflı məlumat verilib.
Burada onlar Heydər Əliyevin həyatının ən müxtəlif məqamlarını əks etdirən və Azərbaycan tarixinin bütöv bir dövrü barədə geniş təsəvvür yaradan çoxlu sənədlərlə, dünyanın tanınmış siyasi xadimlərinin bəxş etdikləri hədiyyələrlə, Ulu öndərimiz haqqında kitablarla, nüfuzlu elm, mədəniyyət və incəsənət xadimlərinin müasir Azərbaycan dövlətinin qurucusu haqqında fikirləri ilə tanış olub, müxtəlif ölkələrin liderləri ilə görüşlərdə çəkilən şəkillərə maraqla baxıblar.
Ulu öndərin orta və ali məktəbləri əla qiymətlərlə bitirməsi barədə attestatı və diplomu, əla təhsilə və nümunəvi əxlaqa görə tərifnaməsi, işlədiyi müxtəlif kollektivlərdə yalnız müsbət keyfiyyətlərlə səciyyələndirilən xasiyyətnamələri, keçmiş SSRİ-nin müxtəlif guşələrində, respublikamızın ayrı-ayrı şəhər və rayonlarında keçirilən tədbirlərdə çəkilən yadigar fotoşəkilləri, iş otağındakı əşyalar şərəfli ömrün salnaməsini xatirələrdə bir daha canlandırıb.
ümummilli liderin Azərbaycanda hüquqi, demokratik dövlət və ordu quruculuğu sahəsində həyata keçirdiyi tədbirlər barədə məlumat qonaqlar tərəfindən maraqla qarşılanıb.
Fondla tanış olan qonaqlar xatirə kitabına ürək sözlərini yazıblar.
Heydər Əliyev Fondunun icraçı direktoru Anar Ələkbərov qonaqlarla görüşüb, onlarla səmimi söhbət edib.
İcraçı direktor Azərbaycanın birinci xanımı, Fondun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyevanın rəhbərliyi və təşəbbüsü ilə həyata keçirilən layihələr haqqında qonaqlara məlumat verib.
Məhz Mehriban xanım Əliyevanın təşəbbüsü ilə Fondun Fransanın Strasburq şəhərindəki Notr-Dam kilsəsinin təmirinə maliyyə dəstəyi göstərdiyi və bu təşəbbüsün yüksək qiymətləndirildiyi diqqətə çatdırılıb.
Anar Ələkbərov qonaqlara Heydər Əliyev Fondunun beşillik fəaliyyəti ilə bağlı buklet hədiyyə edib.
Qonaqlar da öz növbəsində Heydər Əliyev Fonduna xatirə hədiyyəsi bağışlayıblar.
Fondun daxili tərtibatına valeh olan “Kamolot” İctimai Hərəkatının üzvləri xatirə şəkilləri çəkdirib, Fondla tanışlıqdan zəngin təəssüratla ayrılıblar.

Paylaş:

Baxılıb: 1422 dəfə