Heydər Əliyev
yeni azerbaycan logo

Ana səhifə / Siyasət / Cüdoçularımız Ermənistanda mübarizəyə qoşulub

Cüdoçularımız Ermənistanda mübarizəyə qoşulub

10.09.2009 [09:33]

İşğalçı dövlətin növbəti təxribatının qarşısı alınıb
Azərbaycanın cüdo üzrə gənclərdən ibarət yığma komandası sentyabrın 11-dən 13-dək Yerevanda keçiriləcək Avropa birinciliyində iştirak etmək üçün Ermənistan paytaxtına gedib.  Xatırladaq ki, keçən il Avropa birinciliyində ölkəmizin yığma komandası üç bürünc medal qazanıb. Bu dəfə həmin heyətdən yalnız bir nəfər - Ramin Qurbanov (81 kq) Universiadanın qalibi kimi Yerevana gedib. Bundan əlavə, yaşlı cüdoçular arasında Rotterdamda keçirilmiş Dünya çempionatında beşinci nəticə göstərmiş Elmar Qasımov da (100 kq) yığma komandaya daxil edilib. Yarışların cədvəlinə müvafiq olaraq, sentyabrın 11-də İlqar Müşkiyev (55 kq), Rasim Əsədullayev (60 kq) və Fəğan Eminoğlu (66 kq) mükafatlar uğrunda mübarizə aparmağa başlayacaqlar. Ertəsi gün Ramin Qurbanov, yarışların son günü isə Elmar Qasımov öz qüvvəsini sınayacaq. Azərbaycan nümayəndə heyəti İrəvanda 3 ulduzlu “Gongress” otelində məskunlaşıb. Azərbaycanlı nümayəndələr Ermənistanın təhlükəsizlik xidməti əməkdaşları tərəfindən qorunurlar. Cüdoçularımız dünən yarışın keçiriləcəyi arenada məşq ediblər. Azərbaycan komandası Türkiyə və İsrail yığmaları ilə eyni mehmanxanada qalır. ANS PRESS-in verdiyi məlumata görə, dünən idmançılarımızı məşqə aparan mikroavtobusda Ermənistan və Gürcüstan bayraqları ilə birgə separatçı Dağlıq Qarabağın bayrağı da asılıb. Azərbaycan nümayəndə heyətinin rəhbəri Elşad Ələkbərlinin tələbindən sonra bayraq götürülüb.

Paylaş:
Baxılıb: 1002 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30