Rayon təşkilatları bələdiyyə seçkilərinə hazırlaşır

Bakı:

18°C

72%

6m/s

Əlaqə

AZ RU EN

Ana səhifə / Siyasət / Rayon təşkilatları bələdiyyə seçkilərinə hazırlaşır

Rayon təşkilatları bələdiyyə seçkilərinə hazırlaşır

10.09.2009 [09:35]

Qarşıdan gələn bələdiyyə seçkiləri ilə bağlı Yeni Azərbaycan Partiyası rayon təşkilatları hazırlıq prosesinə start veriblər. Zərdab rayon təşkilatının sədri Tofiq Abdullayevin verdiyi məlumata görə, artıq rayon təşkilatı öz seçki qərargahını yaradıb. 15 nəfərdən ibarət olan seçki qərargahına YAP rayon təşkilatının sədri rəhbərlik edəcək. Rayonda 27 bələdiyyə üzrə keçiriləcək seçkilərdə partiya üzvlərinin fəal iştirakı təmin edilir: “Namizədlərin müəyyənləşdirilməsi istiqamətində müzakirələr aparılır. 27 bələdiyyə üzrə seçkilər baş tutacaq. 62 ilk ərazi təşkilatı üzrə 3600 nəfərə yaxın partiya üzvü seçkilərdə fəal iştirak edəcək. Yeni Azərbaycan Partiyasının böyük seçki praktikası var və inanıram ki, bu praktika özünü bələdiyyə seçkilərində də doğruldacaq”.
Yeni Azərbaycan Partiyası Şirvan şəhər təşkilatının sədri Əbülhəsən İbrahimov da bələdiyyə seçkilərinə hazırlıqla bağlı son işlərin aparıldığını diqqətə çatdırdı. Onun sözlərinə görə, 17 nəfərdən ibarət seçki qərargahı yaradılıb: “Seçki qərargahına mən rəhbərlik edirəm. Şirvan şəhərində iki bələdiyyə-Hacıqəhrəmanlı və Şirvan bələdiyyələri üzrə seçkilər keçiriləcək. Rayon təşkilatının 88 ərazi ilk təşkilatı və bu ilk təşkilatlarda fəaliyyət göstərən 4000-ə yaxın partiya üzvü seçkilərdə fəal iştirak edəcək. Xalqımızın Yeni Azərbaycan Partiyasına inamı böyükdür. ötən il keçirilən prezident seçkilərində nümayiş etdirilən bu inam bələdiyyə seçkilərində də nümayiş olunacaq”.
Bələdiyyə seçkilərinə Neftçala rayonunda da hazırlıq gedir. Yeni Azərbaycan Partiyası Neftçala rayon təşkilatının sədri Anar Cəfərov qəzetimizə bildirdi ki, artıq 11 nəfərdən ibarət seçki qərargahı yaradılıb: “Rayonumuzda əvvəllər 27 bələdiyyə mövcud idi. Bələdiyyələrin birləşdirilməsi prosesindən sonra hazırda 18 bələdiyyə üzrə seçkilər keçiriləcək. Yeni Azərbaycan Partiyası Neftçala rayon təşkilatının üzvləri seçkiyə olduqca məsuliyyətlə hazırlaşırlar. Namizədlərin adlarının dəqiqləşdirilməsi prosesi üzərində müzakirələrimiz davam edir”.
Yeni Azərbaycan Partiyası Kürdəmir rayon təşkilatının sədri Ağəli Kərimli də rayonda seçkiyə hazırlıqla bağlı işlərin görüldüyünü söylədi: “Yeni Azərbaycan Partiyası Kürdəmir rayon təşkilatı 21 nəfərdən ibarət seçki qərargahı yaradıb. Rayonumuzda hər zaman seçkilərdə yüksək seçici fəallığı nümayiş etdirilir. İnanıram ki, bu dəfə də analoji hal təkrar olunacaq. ölkə vətəndaşları Prezident İlham Əliyevin yürütdüyü siyasətdən olduqca razıdır, dövlətimiz günü-gündən inkişaf edir. Bu amil seçkinin nəticələrində də özünü göstərəcək. Vətəndaşlarımız hər zaman olduğu kimi yenə də öz seçimlərini demokratik, şəffaf şəkildə edəcəklər. Yeni Azərbaycan Partiyası isə bu prosesdə hər zaman olduğu kimi yenə də ön sırada olacaq”.
Yeni Azərbaycan Partiyası Ağsu rayon təşkilatının sədri Əli Hüseynov da seçki qərargahının yaradıldığını bildirdi. Onun sözlərinə görə, bu il 37 bələdiyyə üzrə seçkilər keçiriləcək: “Biz artıq hazırlıq prosesinə start vermişik. Rayon partiya təşkilatı müntəzəm şəkildə fəallarla görüşlər keçirir, yerlərdə ilk ərazi təşkilatları ilə görüşür. Rayon təşkilatının 4500 üzvü, 85 ilk ərazi təşkilatı seçkinin yüksək səviyyədə keçməsi üçün tam gücünü ortaya qoyacaq. Yeni Azərbaycan Partiyası Ağsu rayon təşkilatı, demək olar ki, bütün strukturları ilə seçkiyə hazırlaşır. İnanırıq ki, ölkə vətəndaşları bu seçkidə də ümummilli lider Heydər Əliyevin siyasi kursuna səs verəcəklər”.
Yeni Azərbaycan Partiyası Hacıqabul rayon təşkilatı da artıq hazırlıq prosesinə başlayıb. YAP Hacıqabul rayon təşkilatının sədri Hafis Bəşirov qarşıdan gələn bələdiyyə seçkiləri ilə əlaqədar olaraq ciddi hazırlıq işləri gördüklərini dilə gətirdi. Onun sözlərinə görə, rayon təşkilatında cəmləşən 101 ərazi partiya təşkilatı və 3350 nəfər üzv bələdiyyə seçkilərində fəal iştirak edəcək: “YAP Hacıqabul rayon təşkilatında 16 nəfərdən ibarət seçki qərargahı, 20 nəfərdən ibarət təbliğat qrupu yaradılması haqqında qərar qəbul olunub. Biz öz fəaliyyət qrafikimizi indidən hazırlayırıq. İnanıram ki, bələdiyyə seçkilərində vətəndaşlarımız məhz Yeni Azərbaycan Partiyasının üzvlərinə səs verəcəklər”.
Pərviz SADAYOÄžLU

Paylaş:

Baxılıb: 1036 dəfə