Heydər Əliyev
yeni azerbaycan logo

Ana səhifə / Siyasət / Bursa Atatürk stadionunda Azərbaycan bayraqları

Bursa Atatürk stadionunda Azərbaycan bayraqları

16.10.2009 [09:41]

FİFA-nın Türkiyə-Ermənistan milli futbol komandalarının qarşılaşmasında Azərbaycan bayraqlarının stadiona gətirilməsini yasaqlamasına baxmayaraq, bu qadağaya əməl olunmayıb.
APA-nın Türkiyə mətbuatına istinadən verdiyi məlumata görə polis Bursa Atatürk stadionuna Azərbaycan bayraqları və üzərində Azərbaycan bayrağının təsviri olan köynəklərlə gələn azarkeşlərdən bayraqları alıb və köynəkləri bu şəxslərin əyinlərindən çıxarıb. Lakin bütün bu tədbirlərə baxmayaraq, matç başladıqdan sonra tribunalarda xeyli gənc əlində Azərbaycan bayrağını Türkiyə bayraqları ilə bərabər dalğalandırmağa başlayıb. Oyunu izləyən FİFA komissarı bu faktı raportuna yazıb. FİFA-nın Türkiyə Futbol Federasiyasına cıza verəcəyi gözlənilir. Hətta bu cəzanın 1 ev oyununu ölkə xaricində keçirməkdən ibarət olacağını iddia edənlər də var.
Əlavə edək ki, stadionda çalınan Ermənistanın dövlət himni başdan sona qədər fitə basılıb. Bir qrup erməni jurnalistinin tribunada böyük Ermənistan bayrağı açması isə azarkeşlərin uğultulu reaksiyasına səbəb olub. Türkiyə Futbol Federasiyasının nümayəndələri erməni media mənsublarına xəbərdarlıq edərək bayrağın yığışdırılmasını tələb etdikdən sonra bu jurnalistlərdən bəziləri stadionu tərk edib. “Bursaspor” klubunun məşhur fanat qrupu “Texas”ın tribunalarda yer tutan üzvləri stadiona buraxılmayan dostlarına dəstək xarakterli “Erməni içəridə, Bursa dışarıda!” deyə qışqırıblar.
Polisin içəri buraxmadığı Azərbaycan bayraqları bursalılar tərəfindən stadionun ətrafına və yol kənarlarındakı dirəklərə asılıb. üzərində Azərbaycan bayraqları olan avtomobillər matç boyunca Bursa küçələrində şütüyüb.

Paylaş:
Baxılıb: 1155 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30