Heydər Əliyev
yeni azerbaycan logo

Ana səhifə / Siyasət / KİV-in inkişafına dövlət dəstəyi fondu yeni il şənliyi təşkil edəcək

KİV-in inkişafına dövlət dəstəyi fondu yeni il şənliyi təşkil edəcək

17.11.2009 [09:50]

Jurnalistlər üçün keçirilən fərdi müsabiqənin qalibləri geniş tədbirdə elan ediləcək. KİV-in İnkişafına Dövlət Dəstəyi Fondunun icraçı direktoru Vüqar Səfərli “Media forum” saytına bildirib ki, həmin tədbir həm də yeni il şənliyi olacaq. Bu tədbirlə jurnalistlər həm yeni ili qeyd edəcəklər, həm də fondun il ərzində keçirdiyi son müsabiqənin qaliblərinin kimliyini biləcəklər. Fond sədri deyib ki, tədbirin keçirilməsi üçün heç bir problem yoxdur: “Təşkilatı məsələlər zamanında həll olunacaq”. Jurnalistlər üçün fərdi müsabiqə noyabrın 5-dən elan olunsa da, indiyə qədər müsabiqəyə yazı verən olmayıb: “Amma şifahi müraciət edənlər, zəng edənlər var. Şərtlərlə maraqlanırlar. Biz planlaşdırırıq ki, AzTV-də və İTV-də müsabiqə ilə bağlı ətraflı məlumat verək”.
V.Səfərlinin sözlərinə görə, televiziyada məlumat yaymaq müsabiqəyə qatılmaq istəyənlərə yardım göstərmək ehtiyacından yaranıb: “AzTV-də “Günün nəbzi”i, İTV-də isə “Media haqqında hər şey” verilişlərində fondun nümayənədləri müsabiqə haqda məlumat verəcək, onun şərtlərindən geniş danışacaqlar. Hesab edirik ki, bizim jurnalistlərə əlavə məlumat çatdırmaq lazımdır”.
Vüqar Səfərli məlumat verib ki, Azərbaycan Prezidenti yanında Kütləvi İnformasiya Vasitələrinin (KİV) İnkişafına Dövlət Dəstəyi Fondunun ayırdığı qrant vəsaiti hesabına keçirilən layihələr hələ tam başa çatdırılmayıb. Bu günə kimi həmin iki aylıq layihələrin təxminən 70 faizinin sənədləri Fonda daxil olunub. V.Səfərli deyib ki, hələ ki, I hissədə nəzərdə tutulan proqramlar tam yerinə yetirilməyib. Onun sözlərinə görə, hazırda Fondda sözügedən layihələrə baxılır. “Burada müəyyən nöqsanlar da olur. O zaman biz nöqsan aşkarlanan layihələri düzəliş üçün geri qaytarırıq. Həmin nöqsanlar isə onların öz biznes planları ilə bağlı olur”, - deyən V.Səfərli dekabrın 7-nə kimi layihələrin son göndərilmə tarixi olduğunu bildirib.

Paylaş:
Baxılıb: 1152 dəfə

Xəbər lenti

Hamısına bax

İqtisadiyyat

İqtisadiyyat

Dünya

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31